Masalimo 68:6 - IBAYIBOLO 2024

⁶ U Chala akubapa babo bali bene bulo ubuzilo ubwakwikalapo, sona akubefya abakayidi mujele nukubapa umutende. Loli abantu abakusambuka akubachimbizizya kuchisu ichumizu.

Masalimo 68:6 Iomraidhean Croise

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 107:10

Abantu bamo bakikalagha muchisi, bakayimba mujele po sona bakapinyiwa nu bunyololo,

Masalimo 107:14

Akabefyamo muchisi, nukudumulannya ubunyololo.

Masalimo 107:34

Ichisu icha muvundo pakuba chisu icha mbeya, pachifukwa icha bantu ababibi, babo bakwikala mulamula.

Masalimo 113:9

Umukolo umughumba akumupa impapo, po akumupela pakuba we nyina uwakuhoboka nkani uwa bana bache. Mumupalaye u Mwene.

Masalimo 146:7

Akubabombela mubwanaloli babo bakuyivyiwa, sona akubapa ichakulya babo bali nizala. U Mwene akubasatula abakayidi.

Masalimo 69:33

Pakuti u Mwene akubivwa abapotwe, sona atakubapa inkonto babo bali mujele.

Ivyili 23:11

Pakuti umuvighilili wabo wamaka nkani, akwiza pakubimila pa nongwa yabo.

Yesaya 61:1

U Muzimu uwa Mwene Uwamaka Ghosi ali papane, pachifukwa ichakuti u Mwene ampakazizye amafuta, pakulumbilila amazyu amiza kubapina. Antumite ane pakupozya abamoyo aghakuvulala, pakufumusya ubwabuke ku bazya, nukubasatula ukufuma muchisi icha mubukayidi,

Hoseya 2:3

Lumo ningamuvula amenda, nukumuleka bwazi ngati po pisiku ilya kupapiwa kwache. Nkwiza pakumupela pakuba ngati yo nkolongo, pakuba ngati cho chisu ichumizu, sona nkwiza pakumughogha ni nyota.

Malaki 1:3

loli imubengite u Esabu sona nachipela ichisu chache icha mumaghamba pakuba nkolongo, umwakuti bwaba buzilo ubwakwikalamo abakambwe.”

Imbombo 16:26

Umwakuchenusya bulo kukaba akasenyenta akakulu nkani, umwakuti kakaneng'ennya ulwalo ulwa jele yila. Panapo na panapo inyiyi zikighuka, sona zyope ni mpingu izya bakayidi bosi zikasatuka.

Aba Galatiya 4:27

Pakuti Amasimbo ghakuti, Hobokagha, we mukolo umughumba, we utakupapa, kolomoka nkani nukululutila mubuhobosu nkani awe we utakivwapo ububavu ubwakusayiwa. Pakuti abana aba mukolo yuyo bamuvwituka akwiza pakuba na bana abinji, ukuchila yuyo ali nu mulume.

Ukukumbusya Amalamulo 10:18

Akubalwila abana abalanda na bakolo abafwilwe. Akubaghana abayeni babo bakwikala pakasi papinyu, sona akubapa ichakulya na menda.

1 Samuweli 2:5

Abantu babo kale bakikuta ilelo bakulaba ichakulya. Loli babo bakaba nizala, ilelo bakwikuta. Umukolo yuyo akaba mughumba, ilelo apapa abana seveni. Loli umukolo yuyo akapapa abana abinji, ilelo asyala bulo mwene.