Masalimo 68:5 - IBAYIBOLO 2024

⁵ Uwise uwa balanda, sona nu muvighilili uwa bakolo abafwilwe, we Chala yuyo akwikala mu Nyumba yache izelu.

Masalimo 68:5 Iomraidhean Croise

2 Imbili 30:27

Abaputi naba Levi bakimilila nukubasaya abantu, po u Chala akabivwa, pakuti ulwiputo lwabo lukafika kumwanya kukaya kache akazelu.

2 Imbili 6:2

Ilelo nakuzengela Inyumba iya buchindamu iyakuti wikalayemo bwila na bwila.”

Masalimo 10:14

Wee Chala, loli ukuzyennya intamyo na mayimba, sona wiyanizye pakubombapo zimo. Abapotwe bala bakwibika bene munyobe zyako, we mwavwilizi uwa balanda.

Masalimo 10:18

Ubimilaye abalanda na bakuyiviwa ukuti umuntu wesi, yuyo akwikala pachisu ichapasi, atakaboghofyanje sona.

Masalimo 118:19

Nyighulila imiliyango iya bagholosu, nkwiza pakwinjilamo nukumupalizya u Mwene.

Masalimo 146:9

U Mwene akubasungilila abayeni, sona akubavwa abana abalanda na bakolo abafwilwe, loli akubavulungannya abantu ababibi.

Masalimo 150:6

Ichipeliwa chosi icha bumi chimupalaye u Mwene. U Mwene apaliwanje.

Masalimo 33:14

Bo ikaye pachitengo chache icha bumwene, akubenelezya bosi babo bakwikalagha pachisu ichapasi.

Masalimo 72:2

Po akwiza pakubalongela abantu bako mubwanaloli, sona atakwiza pakwennya icheni nanti akulonga inongwa izya bapina.

Masalimo 72:4

Akwiza pakubimila abapina, nukubapoka abana aba bapotwe, loli akwiza pakubayivya babo bakubayivya abamwabo.

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Yesaya 1:23

Abalongozi bako basambuke, sona baba bo bamanyani aba biba. Baghanite nkani pakupokela amabeko, sona akabalilo kosi bakulonda vyo vyabupi. Batakubavighilila abana abalanda, pamo pakuteghelezya inongwa izya bakolo abafwilwe.

Yesaya 12:4

Pisiku lilalila mukwiza pakwimba ukuti, “Mumupalizye u Mwene! Muzibuzye inko pazizyo abomba! Mufumusye ukuti itabwa lyache lyapamwanya!

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 66:1

U Mwene akuti, “Kumwanya cho chitengo chane icha bumwene, sona ichisu ichapasi cho chakutambalizizyapo inyayo zyane. Nkimba yili kokwiyi inyumba yiyo munganzengela ane? Nkimba ubuzilo bwane ubwakutuzyapo, bukwiza pakuba po piyi?

Yelemiya 49:11

Baleke abana abalanda, nkwiza pakubusungilila ubumi bwabo. Bope abakolo abafwilwe bakwiza pakunsubila.”

Yelemiya 5:28

binite sona bali na mabili amatyelemusu. Ububibi bubo bakubomba bute ni mpaka, batakulongela mubugholosu inongwa izya bana abalanda ukuti zibendele akiza sona batakubalwila abantu abapina.

Hoseya 14:3

U Asiliya atangatupoka, aswe tutakwiza pakukwelapo pafalasi izya bwite. Tutakwiza pakunenapo sona ukuti, ‘Abachala bitu’ babo twapanga ni nyobe zyitu, pakuti mumwako abalanda bakuchaghamo ichililizi.”

Aba Efeso 5:1

Polelo mweghelelaye kwa Chala, pakuti mwe bana bache abaghaniwa.

Ukukumbusya Amalamulo 10:18

Akubalwila abana abalanda na bakolo abafwilwe. Akubaghana abayeni babo bakwikala pakasi papinyu, sona akubapa ichakulya na menda.

Ukukumbusya Amalamulo 26:15

Bo uli kumwanya kubuzilo bwako ubuzelu, wennye pachisu ichapasi, nukubasaya abantu bako aba Izilayeli. Uchisaye sona ni chisu icha mboto chicho utupiye, ukuyana namumo ukabalapila kubanyenya bitu.”