Masalimo 68:18 - IBAYIBOLO 2024

¹⁸ Bo akukwela kumwanya, ukabalongolela abakayidi abanji, po abantu bakakupa ivyabupi ivyinji nkani. Bope abantu abakusambuka bakakupa ivyabupi, umwakuti awe we Mwene u Chala wikalayemo.

Masalimo 68:18 Iomraidhean Croise

2 Imbili 6:18

“Wee Chala, nkimba naloli ungikala poka na bantu pachisu ichapasi? Nanti kumwanya pamo kumwanya nkani kutangakukwana, po zingaba bulibuli ni nyumba inandi yiyo nakuzengela?

Masalimo 110:1

U Mwene akamubuzya u mwene wane akati, “Ikala apa kunyobe yane indilo, mupaka imbabike abalwani bako kusi kunyayo zyako.”

Masalimo 24:3

Nkimba wewenu yuyo angakwela pighamba ilya Mwene? Nkimba wewenu yuyo angimilila pabuzilo bwache ubuzelu?

Masalimo 47:5

U Chala akakwela bo abantu bakukolomoka pachifukwa icha buhobosu, sona u Mwene akwela kumwanya, bo abantu bakulizya amapati.

Masalimo 7:7

Uzibungannye inko ukuti zikuzyungulilaye, po uzilongaye bo wikaye pachitengo chako kumwanya.

Masalimo 78:60

Akepamo mubuzilo bwache ubwakwikalamo mu Shilo. Ichisakasa chache chikite pakasi pabantu.

Yesaya 55:7

Mubaleke ababomba mbibi, baleke inkalo zyabo imbibi, sona bope abantu ababibi bazileke inyinong'ono zyabo inyonganu. Baleke banyokele kwa Mwene, ukuti abapelele ichisa, sona nakwa Chala witu, pakuti akwiza pakubahobokela.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Ezekiyeli 48:35

“Akaya kosi akakulu nkani umwakuzyungulila kakwiza pakuba amamita 9,000. Ukwanda pakabalilo kalakala mupaka muntazi, akaya akakulu nkani kakwiza pakwitiziwanga ukuti, ‘U Mwene ali Palapala.’ ”

Yoweli 2:11

Izyu ilya Mwene likujilimisya pamaso pabasilikali bache, abasilikali bache binji nkani ukuchilapo. Bamaka babo bakubomba zizyo u Mwene akulonda. Isiku ilya Mwene likulu nkani, sona lyakoghofya nkani. Nkimba wewenu yuyo angajimba?

Matayi 9:13

Bukagha, kivwisye ukuti Amasimbo ghakung'anamula ichoni, ghagho ghakuti, ‘Intakulonda ivyakwiyipa ivya vinyamana, loli nkulonda ichisa.’ Ntizite pakubitizya abantu abagholosu ukuti bapinduke, loli nizite pakubitizya abantu abambibi.”

Maliko 16:9

Bo u Yesu azyuka pandabindabi pisiku ilinji bo lyachila Isiku Ilyakutuzya, akamubonekela tasi u Maliya Magadalena, yuyo mumwache akefyamo imizimu imibibi seveni.

Luka 24:47

sona nukuti mwitabwa lyache amazyu ghalumbililiwe pakasi pabantu aba inko zyosi ukwandila mu Yelusalemu ukuti abantu bapinduke nukuzileka imbibi zyabo, sona nukuti u Chala abahobokele imbibi zyabo.

Luka 24:49

Nkwiza pakubatumila chicho u Tata wane akalayizya. Loli mulindililaye mukaya akakulu nkani mupaka papo mwapokela amaka aghakufuma kumwanya.”

Luka 24:51

Bo akubasaya, akatantama panandi nukusendiwa ukubuka kumwanya.

Yohani 14:23

U Yesu akamwamula akati, “Umuntu wesi yuyo anganite akwiza pakwivwila ubumanyisi bwane. Utata wane akwiza pakumughana, sona Utata wane poka nane tukwiza kukwache nukwikala nawe.

Yohani 16:7

Naloli nkubabuzya ukuti chizapo kukwinyu ukuti ane imbuke pakuti nanti intakubuka, umwavwilizi atakwiza kukwinyu. Loli nanti nabuka, po nkwiza pakumutuma kukwinyu.

Imbombo 2:23

U Yesu akapeghiwa kukwinyu ukuyana namumo u Chala akabatikila nukwinong'onela zila. Amwe mukamughogha pakumubika munyobe izya bambibi ukuti akomeliwe pachipinjika.

Imbombo 2:4

Bosi bakizula nu Muzimu Umuzelu nukwanda pakunenela mundimi injeni ukuyana namumo u Muzimu akababuzizya pakunena.

Imbombo 9:17

Po u Ananiya akabuka, nukwinjila munyumba mumo mukaba u Sabuli nukubika inyobe papache. Akati, “Mukamu Sabuli, u Mwene u Yesu, yuyo akakubonekela pazila bo ukwiza kuno, antuma ukuti wennye sona, nukwizula nu Muzimu Umuzelu.”

Aba Loma 5:8

Loli u Chala atulanjizya namumo atughaniye aswe pakuti u Kilisitu akatufwila bo tuchili twe bambibi.

2 Aba Kolinti 6:16

Nkimba Inyumba iya Chala yingayana bulibuli ni vifwani? Pakuti aswe twe Nyumba iya Chala umumi, ukuyana namumo u Chala umwenecho akanenela akati, “Nkwiza pakwikalana mumwabo, sona nukwikala pakasi papabo. Nkwiza pakuba we Chala wabo, po abene bakwiza pakuba bantu bane.”

Ukukumbusya Amalamulo 33:2

Bo ali pakubasaya akanena akati, “U Mwene akika pighamba ilya Sinayi, sona akazubuka ukufuma ku Seyili. Akabalamila abantu bache, bo ali pighamba ilya Palani. Akiza poka ni chilundilo icha bantumi 1,000 bo alemite umoto uwakwaka munyobe yache.

Aba Kolosi 2:3

yuyo mumwache momumo mufisiwe ubukabi ubwa mahala agha Chala nu bumanyi.

Aba Kolosi 2:9

Pakuti mwa Kilisitu, u Chala akwikalamo umwakufikapo mumubili uwa muntu,

Aba Hebeli 1:3

U Mwana ko kulama ukwa buchindamu ubwa Chala, sona ichifwani ichenecho icha Chala. Umwene achilemite ichisu chosi na mazyu ghache aghamaka. Bo efya imbibi izya bantu, akikala pachitengo ichamuchizi kunyobe indilo iya Chala Uwamaka Ghosi.

Aba Hebeli 4:14

Polelo pakuti tuli nu muputi usongo yuyo akabuka mupaka ukufika kumwanya, yuyo we Yesu u Mwana uwa Chala, po zagha tulemezye nkani ulwitiko lwitu lulo tukwitika.

Aba Hebeli 6:20

U Yesu akalongolela kale ukwinjilamo mulamula mubuzilo bwitu. Umwene aba muputi usongo uwa bwila na bwila mulubatiko ulwa buputi ubwa Melekizedeki.

Aba Hebeli 8:1

Ifundo iyenecho yiyo tukunena yo iyi: Tuli nawe umuputi usongo yuyo ikaye kunyobe indilo iya chitengo icha buchindamu icha Chala kumwanya.

1 Pitala 3:22

Ilelo u Yesu abuka kumwanya, kuko ali pachitengo icha buchindamu kunyobe indilo iya Chala. Kulakula abantumi bosi poka na balaghili na bamaka bosi bakumulambila.

Ubuvumbuli 1:20

Ichakubusyefu icha ntondwa seveni zizyo wazyennya munyobe indilo, ni vyakubikapo inyale ivya golide seveni vila cho ichi: Intondwa seveni zila bo bantumi aba vipanga seveni, sona ivyakubikapo inyale ivya golide seveni vila vyo vipanga seveni.

Ubuvumbuli 21:3

Nkivwa izyu ilya pamwanya likuchibuzya ichitengo icha bumwene likuti, “Losi ulu akaya aka Chala kali pakasi pabantu! Akwiza pakwikala pakasi papabo, sona abene bakwiza pakuba bantu bache. U Chala akwiza pakuba nabo, sona akwiza pakuba we Chala wabo.

Abalongi 5:12

‘Lamusya! Debola, lamusya! Longolela! Imba ulwimbo, longolela! Endelela we Balaki, umwana uwa Abinowamu, longozya abantu bako babo ukabalema kubwite!’