Masalimo 68:13 - IBAYIBOLO 2024

¹³ Ivintu ivyakufyula vila vikuboneka ngati vipapande ivya nkunda, vivyo vipakiwe nu siliva, sona ghope ameya ghache ghapakiwe nu golide uwakunyezimila.”

Masalimo 68:13 Iomraidhean Croise

Ubwandilo 49:14

“U Isakala yo mpunda iyamaka, yiyo yighonite muvibagha ivya ng'ozi.

2 Abamwene 7:16

Po abantu bakafuma mukaya kala nukubuka pakufyula ivintu muvisakasa ivya ba Siliya. Amakilogalamu matatu agha busu ubutinye bukaghuliziwanga ni salabazya yoka iya siliva, sona amagalamu sikisi agha mapemba ghakaghuliziwanga ni salabazya yoka iya siliva ukuyana namumo u Mwene akanenela.

Masalimo 105:37

Pisinda pache akabefya aba Izilayeli, bo banyamuye usiliva nu golide, bosi bakaba bamaka nkani, sona patakabapo nayumoyumo yuyo akaba mudedebazu.

Masalimo 149:4

Pakuti u Mwene akuhoboka na bantu bache, sona abakwiyisya akubapa ubupoki.

Masalimo 74:19

Utakavipanje umoyo uwa nkunda ivinyamana ivya munkolongo. Utakabuluvyanje ubumi ubwa bantu bako abapina bwila na bwila.

Masalimo 81:6

Akati, “Nkabapepula ukatundu umung'wamu pavipunko vyabo, inyobe zyabo zyope zikasatuka pakunyamula ichidudunga iching'wamu.

Ukufuma 1:14

Ubumi ubwa ba Izilayeli bukaba bwakubaba pachifukwa icha mbombo inkafu iyakukoma injelwa ni mbombo izyakulekanalekana izya mumaghunda. Aba Ijiputi bakabafyengagha bulo pakubomba imbombo ukwa kabalilo akatali nkani.

Yesaya 33:23

Inkusa izya bwato ubukulu zyasatuka, zitangalikazya ikwi ilya kupinyilila, ku bwato ubukulu ukuti bukale, ghope umwenda uwa bwato uwa balwani bitu ghutakuzukite akiza awe. Ivyakufyuliwa vyabo vikwiza pakuba vyinji, bope abalemazu bakwiza pakugabiliwa.

Ukubelengiwa 31:27

Muvigabe Pabili umwakuyana bulo ivintu vivyo mukafyula pakasi pabasilikali, babo bakabuka kubwite ni chilundilo chosi.

Luka 15:16

Umulumendo yula akanda pakunyonywa amakambi, ghagho ingulube zikalyanga, loli nayumo umuntu yuyo akamupako chimo ukuti alyanje.

Luka 15:22

Loli uwise akabitizya abambombo nukubabuzya ukuti, ‘Lubilolubilo, kasende inkazo inyiza nkani nukumuvwika. Mumuvwike impete mu kafingwi, sona mumuvwike inkwato kunyayo zyache.

1 Aba Kolinti 12:2

Muzimenye ukuti, bo muchili mwe bantu abakuzi, bakabasobezya ukuti mwiputaye ivifwani vivyo vitakunena.

Titi 3:3

Pakuti naswe bulo akabalilo kamo tukaba bapunganu, abasita ukwivwila, sona na bakusobela. Tukaba bazya aba vinyonywa ivibibi, sona ni vintu vyosi ivyakulekanalekana ivyakuhobosya umubili. Tukalindagha mumbibi na mukabini. Abantu abanji bakatubenga, sona naswe bulo tukababenga.

Yoshwa 10:16

Loli abamwene fayivi aba ba Amoli bala bakachimbila nukuvwama kumpako pa Makeda.

Abalongi 5:16

Nkimba choni chicho bakasyalikila pakudima ing'ozi zyabo? Pakuteghelezya bo abadimi bakusokola ing'ozi zyabo? Eee aba Lubeni bakagabinkana, pachifukwa ichakuti batakamanyagha ichakubomba ichenecho.

Abalongi 5:19

“Abamwene bakiza nukulwa ubwite. Abamwene aba ba Kenani bakalwa ubwite pa Tanaki mulubazu ulwa lusoko ulwa Megido. Loli batakasendapo nayumoyumo usiliva, sona batakafyulapo nachimochimo ichintu.