Masalimo 67:6 - IBAYIBOLO 2024

⁶ Po ichisu chikwiza pakwela ivikomwa vyache, sona u Chala witu akwiza pakutusaya.

Masalimo 67:6 Iomraidhean Croise

Ubwandilo 17:7

Ulufingo lwane ulwa bwila na bwila lukwiza pakwikala pakasi papako nane, sona napa baluko lwako ni nkulilo zyosi izya muntazi. Nkwiza pakuba ne Chala wako, sona nu Chala uwa baluko lwako.

Masalimo 48:14

Pakuti u Chala yunuyu we Chala witu bwila na bwila, sona akwiza pakutulongozya mupaka tufwe.

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Yesaya 1:19

Nanti mukulonda nukunyivwila, mukwiza pakulya ivyiza ivya muchisu ichi.

Yelemiya 31:1

U Mwene akuti, “Amasiku ghakwiza ghagho nkwiza pakuba ne Chala uwa luko losi ulwa Izilayeli, sona bakwiza pakuba bantu bane.”

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Aba Levi 25:19

Ichisu chope chikwiza pakubapa ivikomwa, po mukwiza pakulya mupaka nukwikuta, sona mukwiza pakwikala muchisu umwakufwasa.”

Aba Levi 26:4

ane nkwiza pakubapa ivula pakabalilo kache. Ichisu chikwiza pakubabotolela imboto, sona amakwi ghakwiza pakwelagha ivikomwa.