Masalimo 67:4 - IBAYIBOLO 2024

⁴ Abantu aba inko izinji bahobokaye, sona bimbaye pachifukwa icha buhobosu. Pakuti ukubalongela abantu aba inko zyosi mubwanaloli, sona ukubamanyisya abantu aba inko izinji pachisu ichapasi.

Masalimo 67:4 Iomraidhean Croise

Ubwandilo 18:25

Naloli momumo utangabaghogha abantu abagholosu poka na bantu abambibi. Awe, ichi chitangabombiwa! Utangachibomba! Nanti ungachibomba, kokuti abantu abagholosu bangafundiwa poka na bantu abambibi. Umulongi uwa chisu chosi ichapasi abombaye ubwanaloli.”

Masalimo 2:8

Undabe wennye, nkwiza pakukupa inko pakuba mpyana yako, sona ichisu chosi ichapasi chikwiza pakuba chako.

Masalimo 82:6

“Po nkati, ‘Mwe bachala, sona mwebosi mwe bana aba Uwakumwanya Nkani.’

Masalimo 9:8

Akwiza pakuchilonga ichisu ichapasi mubugholosu, sona akwiza pakubalaghila abantu mubwanaloli.

Masalimo 96:10

Mubabuzye abantu aba inko izinji mutinji, “U Mwene akulaghila.” Ichisu ichapasi chikalanite nkani, sona chitangayingana napo panandi. Akwiza pakubalonga abantu aba inko zyosi umwakuyana bulo.

Masalimo 98:9

Vileke vyimbaye pamaso pa Mwene, pakuti akwiza pakuchilonga ichisu. Akwiza pakuchilonga ichisu mubugholosu, sona akwiza pakuzilonga inko zyosi umwakuyana bulo.

Yesaya 54:1

U Mwene akuti, “We mukolo umughumba imbagha, we utapapitepo nalumo umwana, kolomokagha pakwimba sona usekelaye, we utivuyepo nalumo ububavu pakusayiwa, pachifukwa ichakuti abana abinji abamukolo yuyo akwikala mwene na mwene, ukuchila umukolo yuyo ali nu mulume wache.

Yesaya 55:4

Ennya, namupela pakuba we kaboni uwa bantu, ukuti abanje mulongozi, nusongo uwa basilikali aba inko.

Yesaya 60:6

Imidimo iya ngamila yikwiza pakunyama muchisu chako, utwana utwa ngamila izya mu Midiyani na mu Efa. Sona bosi aba ku Sheba bakwiza pakwiza, bo banyamuye, ugolide nutwakununkila, nukufumusya amapalo agha Mwene.

Imbombo 17:31

Pakuti abikite isiku lyoka lilyo akwiza pakubalonga abantu bosi aba muchisu ichapasi mubwanaloli ukwendela mu Muntu yuyo amusalite. Abasimikizizya zinizi abantu bosi pakumuzyusya u Muntu yula kubufwe!”

Aba Loma 2:5

Loli pachifukwa icha bukafu ubwa moyo wako, sona nu moyo wako umusita kupinduka nukuzileka imbibi, ukwilundikila wemwene ubukali ubwa Chala, pisiku lilyo ubulongi bwache ubugholosu bukwiza pakuvumbuliwa.

Aba Galatiya 4:27

Pakuti Amasimbo ghakuti, Hobokagha, we mukolo umughumba, we utakupapa, kolomoka nkani nukululutila mubuhobosu nkani awe we utakivwapo ububavu ubwakusayiwa. Pakuti abana aba mukolo yuyo bamuvwituka akwiza pakuba na bana abinji, ukuchila yuyo ali nu mulume.

Ukukumbusya Amalamulo 32:43

Sekela, mwee inko zyache zyosi. U Mwene akwiza pakubatanizya abantu, babo bakubaghogha ababombi bache. Akwiza pakubatanizya abalwani bache, nukubahobokela imbibi abantu bache.