Masalimo 67:1 - IBAYIBOLO 2024

¹ U Chala atupelelaye ichisa nukutusaya, sona icheni chache chitulamiye.

Masalimo 67:1 Iomraidhean Croise

Masalimo 119:135

Icheni chako chindamile ne mubombi wako, sona umanyisyanje indaghilo zyako.

Masalimo 28:9

Ubapokaye abantu bako nukuyisaya impyana yako. Ubanje we mudimi wabo, sona ubasungililaye bwila na bwila.

Masalimo 31:16

Icheni chako chindamilaye ne mubombi wako, sona umpokaye ni chisa chako chicho chitakupotwangapo nalumolumo.

Masalimo 4:1

Wee Chala wane umugholosu unyamule bo nkukwitizya. Unyavwe nanti nkukomana na mayimba, sona umpelelaye ichisa nukulwivwa ulwiputo lwane.

Masalimo 4:6

Abinji bakulalusya bakutinji, “Nkimba wewenu yuyo angatubombela ubwiza?” Wee Mwene, icheni chako chitulamilaye.

Masalimo 6:1

Wee Mwene utakanchemelaye, mubukalale bwako, pamo ukunfunda pachifukwa ichakuti ukalaye.

Masalimo 76:1

U Chala mumanyikwe nkani mu Yuda, sona itabwa lyache likulu nkani mu Izilayeli.

Masalimo 80:19

Wee Mwene u Chala Uwamaka Ghosi, tunyosekezye kukwako, icheni chako chitulamilaye, po tukwiza pakupokiwa.

Masalimo 80:7

Wee Chala Uwamaka Ghosi utunyosekezye kukwako, icheni chako chitulamilaye, po tukwiza pakupokiwa.

2 Aba Kolinti 13:14

Ichisa icha Mwene u Yesu Kilisitu nu lughano ulwa Chala, sona nu bupoka ubwa Muzimu Umuzelu vibanje namwe mwebosi.

2 Aba Kolinti 4:6

Pakuti we Chala yuyo akati, “Ulukozyo lulamaye muchisi!” sona we Chala yunuyu yuyo akalamisya ulukozyo lwache mumoyo ghitu, ukuti abantu babumanye ubuchindamu ubwa Chala, bubo bukulama pacheni icha Kilisitu.

Aba Efeso 1:3

Amapalo ghabanje kwa Chala, Uwise uwa Mwene witu u Yesu Kilisitu, yuyo atusayite aswe mwa Kilisitu pakutupa ulusayo ulwakulekanalekana ulwa buzimu kumwanya.

Ukukumbusya Amalamulo 21:8

Wee Mwene, pokela ichakwiyipa ichakupepesezya imbibi izya bantu bako aba Izilayeli babo ukabapoka. Utuhobokele ukuti inongwa iyakughoghiwa ukwa muntu umusita nongwa yibanje pamitu iya bantu bako.