Masalimo 66:15 - IBAYIBOLO 2024

¹⁵ Nkwiza pakubika ichinyamana ichine pakuba chakwiyipa, sona na badubi pakuba chakwiyipa. Nkwiza pakubika sona inkambaku ni mbuzi pakuba chakwiyipa.

Masalimo 66:15 Iomraidhean Croise

2 Samuweli 6:13

Bo abantu babo bakanyamulagha Ibokosi ilya Lufingo ilya Mwene lila bendapo amamita sikisi, u Devedi akabika inkambaku ni ngwata inyine ukuti vibanje vyakwiyipa.

Ezila 8:35

Po abantu babo bakanyokako kubuzya bakabika ivyakwiyipa ivyakocha kwa Chala uwa Izilayeli. Ivyakwiyipa vinivi vikaba vyo ivi: Inkambaku 12 ukuti zibanje izya ba Izilayeli bosi na badubi 96 nu twadubi 77 sona na basabwe 12 pakuba chakwiyipa ichakupepesezya imbibi. Vyosi vinivi vikaba chakwiyipa ichakocha kwa Mwene.

Masalimo 51:19

Po vikwiza pakuba ivyakwiyipa ivigholosu, sona ivyakwiyipa vyosi ivyakocha vikwiza pakukuhobosya. Po bakwiza pakubika inkambaku pachighemo chako pakuba chakwiyipa.

Yelemiya 41:5

abantu 80 aba ku Shekemu naba ku Shilo sona naba ku Samaliya babo bakamwa indevu zyabo, bakazepulannya amenda ghabo nukwibolannya bene ukulanjizya ukuti bali pa chililo. Bakasenda ivyakwiyipa ivya busu sona nutwakununkila nukuvibika mu Nyumba iya Mwene.

Ukubelengiwa 6:14

Palapala abike kwa Mwene udubi weka uwa mwaka ghoka umusita chilema nachimochimo ukuti chibanje chakwiyipa ichakocha ni ng'ozi inkolo yoka iya mwaka ghoka yiyo yite ni chilema nachimochimo ukuti chibanje chakwiyipa ichakupepesezya imbibi, sona nu dubi weka ukuti chibanje chakwiyipa chabupoka.

Ukubelengiwa 7:45

ni nkambaku inyana nu dubi weka, sona na kadubi koka aka mwaka ghoka ukuti chibanje chakwiyipa ichakocha.