Masalimo 65:9 - IBAYIBOLO 2024

⁹ Ukuchisaya ichisu ichapasi pakuchitumila ivula. Ukuchipela pakuba chamuvundo nkani. Po sona ukuzyizuzya isoko na mizi. Bope abantu ukubamezezya ingano. Pakuti momumo uchiyanizizye.

Masalimo 65:9 Iomraidhean Croise

Ubwandilo 26:12

U Yisaki akalima umughunda, umwakuti umwaka ghulaghula akinula ivyakulya ivyinji pakuti u Mwene akamusaya.

Masalimo 107:37

Bakapesa imbeyu nukubyala amampesya, po bakinula nkani.

Masalimo 147:14

Akupela umutende mumpaka zyako, sona akukwikutisya nu busu ubutinye ubwa ngano.

Masalimo 46:4

Pali ulusoko lumo lulo utusoko twache tukubahobosyanga abantu aba mukaya akakulu nkani aka Chala, ubuzilo bubo buzelu bubo Uwakumwanya Nkani akwikalako.

Masalimo 63:1

Wee Chala, awe we Chala wane, sona nkukulondelezya nu moyo wane ghosi. Umoyo wane ghuli ni nyota nawe, sona umubili wane ghope ghukukusamba. Nkukusamba nkani ngati chisu ichumizu, sona ngati nkolongo yiyo yite na mizi.

Masalimo 65:11

Umwaka mukughuvwinka nu bwiza bwinyu, kosi kuko mukwenda mukwaghiwamo ivintu ivyinji nkani.

Yesaya 41:5

“Utusungo twavyennya vinivi nukunyila, ubumalilo ubwa vyisu bukutetema. Vikupalamila nukwiza,

Yelemiya 14:22

Nkimba alimo yumo u chala umumyasi, pakasi pa inko izinji yuyo angapela ivula? Nkimba mumwanya mungapela ivula? Wee Mwene u Chala witu, awe wewe wemwene. Pakuti tukusubiye wenewe mpela pakuti wewe ukuzibomba zyosi zinizi.”

Yelemiya 5:24

Batakunena mumoyo ghabo ukuti, ‘Zagha tumunyilaye u Mwene u Chala witu, yuyo akutupa ivula iya chizimyalupya pakabalilo kache, sona ni vula iyamaka pakabalilo kache, sona atwimikiye amasiku aghakutuzikizya nagha nyinulo.’

Daniyeli 4:2

Nahoboka nkani pakubabuzya nizya vimanyilo ni viswigho vivyo u Chala uwakumwanya nkani ambombeye.

Aba Levi 26:4

ane nkwiza pakubapa ivula pakabalilo kache. Ichisu chikwiza pakubabotolela imboto, sona amakwi ghakwiza pakwelagha ivikomwa.

Malaki 1:11

Ukwanda kubufumilo bwizuba mupaka kubwinjililo bwizuba itabwa lyane likwiza pakuba likulu nkani pakasi pabantu aba inko izinji. Kosi na kosi abantu bakwiza pakufukizya utwakununkila nukubika ivyakwiyipa ivyenecho pachifukwa icha litabwa lyane pakuti itabwa lyane likwiza pakuba likulu nkani pakasi pa inko. Ane ne Mwene Uwamaka Ghosi nanena.”

Imbombo 14:17

Loli akusimikizya ukuti akabako kale pavintu ivyiza vivyo akubomba. U Chala akubapa ivula ukufuma kumwanya ni nyinulo pakabalilo kache akiza; akubapa ichakulya nukwizuzya amoyo ghinyu nu buhobosu.”

Ubuvumbuli 22:1

Po uwantumi yula akandanjizya ulusoko ulwa mizi amapela bumi, ulwakunyezimila ngati lyo ligalasi, lulo lukufuma kuchitengo icha bumwene ubwa Chala nicha Mwana uwa ng'ozi.

Luti 1:6

Bo u Nabomi ivwa ukuti u Mwene abavwa abantu bache ni vyakulya, u Nabomi poka na balasagha bache babili bala bakanda ukwiyannya pakwepamo mu Mowabu nukubwela kukwabo.