Masalimo 65:8 - IBAYIBOLO 2024

⁸ Ichisu chosi ichapasi chikukunyila pavintu ivikulu vivyo wabomba. Ukufuma kubufumilo bwizuba mupaka kubwinjililo bwizuba pakwimba inyimbo izya lusekelo.

Masalimo 65:8 Iomraidhean Croise

Ubwandilo 8:22

Akabalilo kosi kako ichisu ichapasi chichili chilipo, kukwiza pakuba kabalilo akakubyalila na kakwinulila. Pakwiza pakuba ubukatazu nu butukizu, ichisanya nu lupepo, sona umusanya nu busiku bwila na bwila.”

Yobu 38:12

“Nkimba uyilamuyepo indabi, pamo ukuyilanjizya ubuche ubuzilo bwache?

Masalimo 107:29

U Mwene akayipumizya impepo, ghope amayigha ni nyanja vikaba myee.

Masalimo 126:2

Po tukaseka, sona tukalulutila nu buhobosu, Po abantu aba inko izinji bakati, “U Mwene ababombeye ivintu ivikulu nkani.”

Masalimo 135:9

Wee Ijiputi! U Chala akabomba ivimanyilo ni viswigho pakasi papako umwakuti amufunde u Falabo sona na babombi bache bosi.

Masalimo 136:8

Ukuti izuba lilamaye pamusanya. Ulughano lwache lwa bwila na bwila.

Masalimo 148:3

Wee lizuba nu mwezi, mumupalaye, mwee ntondwa mwe mukulama, namwe mumupalaye.

Masalimo 19:5

Izuba linili lili ngati mwenesendwa, uwakufuma muchipinda chache sona likwenda umwakuhoboka ngati muntu uwamaka yuyo apotite.

Masalimo 2:8

Undabe wennye, nkwiza pakukupa inko pakuba mpyana yako, sona ichisu chosi ichapasi chikwiza pakuba chako.

Masalimo 65:13

Mope mumaghunda mwizuye ni midimo, sona amakombe ghizuye ni ngano. Po ivintu vyosi vikukolomoka nukwimba nu lusekelo.

Masalimo 66:3

Mumubuzye u Chala mutinji, “Imbombo zyako zyakuswighisya nkani! Amaka ghako makulu nkani umwakuti abalwani bako bakukufughamilila.

Masalimo 74:16

Umusanya wako sona bope ubusiku bwako, po ukabika umwezi ni zuba mubuzilo bwache.

Masalimo 89:10

Ukamutizannya u Ahabu ngati muntu umufwe. Namaka ghako amakulu nkani ukabanyampannya abalwani bako.

Yesaya 17:13

Napapo inko zikuzuma ngati kupoma ukwa mayigha, bo aghachemela ghakuchimbilila kubutali, ghakuchimbila pantazi pa mpepo ngati lyelelo pighamba, sona ngati lufumbi ulwa kankungu.

Ukukumbusya Amalamulo 4:19

Nanti mwinusya amaso ghinyu kumwanya nukulyennya izuba nu mwezi ni ntondwa kokuti ivintu vyosi ivyamaka ivya kumwanya mutakadebiwanje pakuvifughamilila nukuvyiputa. Pakuti u Mwene u Chala winyu abapa abantu aba inko izinji izya muchisu ichapasi ivintu vinivi ukuti vibavwanje.

Ubuvumbuli 11:13

Pakabalilo kalakala kukaba akasenyenta akakulu nkani, umwakuti ichigaba choka pa vigaba 10 ivya kaya akakulu nkani vikananganika, sona abantu 7,000 bakaghoghiwa. Abantu bosi abanji bakatetema nukumuchindika u Chala uwakumwanya.