Masalimo 65:13 - IBAYIBOLO 2024

¹³ Mope mumaghunda mwizuye ni midimo, sona amakombe ghizuye ni ngano. Po ivintu vyosi vikukolomoka nukwimba nu lusekelo.

Masalimo 65:13 Iomraidhean Croise

Yobu 36:31

Umu momumo akuzilaghila inko nukuzipa ivyakulya ivyinji nkani.

Masalimo 144:13

Intamba zyitu zikwiza pakwizula, ni vyakulya ivyakulenalekana. Ing'ozi zyitu zikwiza pakunyama nukuba amasabuzani, nukuba nyinji nkani umwakulyesezyamo.

Masalimo 72:16

Muchisu chosi mubanje ni vyakulya ivyinji nkani, sona na pamwanya patughamba bulo pope pabanje ivintu ivyinji nkani. Ivikomwa vyache vyelaye nkani ngati vikomwa ivya mu Lebanoni, sona abantu bache aba mukaya akakulu nkani banyamaye ngati lisote.

Yesaya 30:23

Akwiza pakubatumila ivula iyakumezya imbeyu zizyo mubyalite, mukwiza pakuba nivyakulya vivyo seke izya mwitope ivyiza sona ivyinji. Mwisiku lilalila ing'ombe zyinyu zikwiza pakulya mubuzilo ubukulu nkani.

Yesaya 35:10

Abapokiwa aba Mwene bakwiza pakunyokela, bakwiza pakwinjila mu Ziyoni bo bakwimba inyimbo, nulusekelo ulwa bwila na bwila, lukwiza pakubonekagha pa vyeni vyabo. Bakwiza pakuhoboka nukusekela nkani, po ichitima nukufwifwitila vikwiza pakumala.

Yesaya 44:23

Wee chisu icha kumwanya, imbagha nulusekelo, pakuti u Mwene abomba zinizi. Kolomoka nkani, wee chisu ichakusi, kolomoka mwe maghamba, imbagha mwe misitu, sona namakwi ghako ghosi, pakuti u Mwene amutabula u Yakobo, amulanjizya u Izilayeli ubuchindamu bwache.

Yesaya 49:13

Wee chisu icha kumwanya, sekelagha wee chisu ichapasi wimbaye inyimbo. Wee maghamba wimbaye! Pakuti u Mwene akubasangalusya abantu bache nukuba ni chililizi na babo bakuyimba.

Yesaya 52:9

Mwimbaye poka inyimbo izya lusekelo, amwe mwe visami ivya mu Yelusalemu, pakuti u Mwene abasangalusya abantu bache, amutabula u Yelusalemu.

Yesaya 55:12

Pakuti mukwiza pakwepamo nu lusekelo, bakwiza pakubefyamo umwamutende bulo, amaghamba nu tumaghamba, vikwiza pakwimba pamaso papinyu, sona amakwi ghosi agha mumusito, ghakwiza pakubakomela inkufi zyabo.

Yelemiya 48:33

Ubuhobosu nu lusekelo vimalite muchisu icha muvundo icha Mowabu. Nakanizya ukwenda ukwa vinyo muchakukanyilamo, atalipo nayumoyumo akukanyankila nukukolomoka ukwa buhobosu. Napapo ukukolomoka kulipo, loli kute kukolomoka ukwa buhobosu.

Yoweli 2:22

Mwee vinyamana ivyamunkolongo mutakanyilaye, pakuti isote lyanda pakulemba. Amakwi ghanda pakwela ivikomwa vyache, ghope amakuyu na mampesya ghela nkani.

Zekaliya 9:17

Mwee, nkimba bo bwiza boni nukuboneka akiza ukwa chisu chinichi Ingano yikwiza pakubapela abalumendo pakuba bamaka? Sona uvinyo umupya akwiza pakubapela abalindu pakuba bamaka.

Imbombo 14:17

Loli akusimikizya ukuti akabako kale pavintu ivyiza vivyo akubomba. U Chala akubapa ivula ukufuma kumwanya ni nyinulo pakabalilo kache akiza; akubapa ichakulya nukwizuzya amoyo ghinyu nu buhobosu.”