Masalimo 64:4 - IBAYIBOLO 2024

⁴ Bakubavwamilila abantu babo bate ninongwa nukubalasa, bakubalasa lubilolubilo umwakusita ubogha bosi.

Masalimo 64:4 Iomraidhean Croise

2 Samuweli 15:14

Po u Devedi akaghabuzya amakambala ghache ghosi ghagho ghakaba mu Yelusalemu akati, “Zagha, tuchimbile, lumo nayumoyumo pakasi papitu yuyo akwiza pakupona. Lubilo, zagha tumuchimbile u Abisalomu, lumo angiza umwalubilolubilo nukulwa naswe ubwite nukutughogha twebosi mukaya akakulu aka.”

Nehemiya 4:11

Abalwani bitu bakatinji, “Bo bachili batazimenye zizyo zikubombiwa, aswe tukwiza pakwiza pakasi papabo nukubaghogha ukuti tubakanizye imbombo yabo.”

Masalimo 11:2

Ennya abantu ababibi bakuwesa ubwele bwabo, babikite utulasilo palupote ulwa bwele bwabo umwakuti babalase babo bali na moyo amagholosu ukufumila kuchisi.

Masalimo 55:19

U Chala yuyo ikaye pachitengo icha bumwene bwila na bwila akwiza pakubivwa nukubafunda. Pakuti bakukana pakwanduka, po batakumunyila.

Masalimo 55:22

Mupe u Mwene intamyo zyako, po akwiza pakukusunga, pakuti atakwitikizya nalumolumo ukuti abantu bache abagholosu bawanje.

Masalimo 57:5

Wee Chala, lanjizya ubukulu bwako ukuchila mumwanya nkani, sona ubuchindamu bwako bwizulaye pachisu chosi icha ichapasi.

Masalimo 64:7

Loli u Chala akwiza pakubalasa nu tulasilo, po umwakuchenusya bulo bosi bakwiza bakuvulala.

Habakuku 3:14

Ni mpalala yache ukamulasa kumutu, bo abasilikali bache abamaka biza ngati we kankungu pakutunyampannya. Bakituvyanga ngati bantu babo bakulonda pakubalya abantu babo bakuyiviwa.

Yohani 19:6

Bo abaputi abasongo na balindilili aba Nyumba iya Chala bamwennya u Yesu, bakakolomoka nkani bakati, “Mukomele pachipinjika! Mukomele pachipinjika!” Pilati akababuzya akati, “Mumusende mwebene nukumukomela pachipinjika pakuti ane intakumwagha ninongwa nayimoyimo.”

1 Samuweli 18:11

po akayisumba nukwinong'ona ukuti, “Nkwiza pakumulasa u Devedi mupaka nukumukomela kulubumba.” Loli u Devedi akayileghuka kabili kosi.

1 Samuweli 19:10

Po u Sabuli akayezya pakumukomela kulubumba ni mpalala yila, loli u Devedi akayileghuka, sona impalala yikalasa ulubumba. Ubusiku bulabula u Devedi akachimbila nukupona.