Masalimo 64:10 - IBAYIBOLO 2024

¹⁰ Abagholosu bahobokaye pachifukwa icha Mwene, sona bachimbililaye kukwache. Bosi babo bali na moyo amagholosu bamupalaye.

Masalimo 64:10 Iomraidhean Croise

Yobu 22:19

Abagholosu bakuhoboka nanti bakubennya abantu bakufundiwa, sona abasita nongwa bakubobezya bakuti,

Masalimo 11:1

Mwa Mwene momumo nkuvwamaghamo. Po nkimba mungambuzya bulibuli ukuti, “Chimbilila kumaghamba ngati cho chiyuni?

Masalimo 112:2

Abana bache bakwiza pakuba bamaka nkani muchisu, sona abaluko lwache bakwiza pakusayiwa.

Masalimo 25:20

Ubusungililaye ubumi bwane, sona umpokaye. Intakakoziwanje isoni pakuti nkuchimbilila kukwako.

Masalimo 32:11

Mwee bantu abagholosu, muhobokaye mwa Mwene, sona mwimbaye mwebosi mwe muli na moyo amagholosu.

Masalimo 40:3

Mumulomo wane akabikamo ulwimbo ulupya, ulwimbo ulwakumupala u Chala witu. Abinji bakwiza pakuzyennya zinizi nukunyila, po bakwiza pakumusubila u Mwene.

Masalimo 58:10

Umuntu umugholosu akwiza pakuhoboka, bo akubennya ababibi bakufundiwa, sona akwiza pakuzyozya inyayo zyache mwibanda ilya bantu ababibi.

Masalimo 97:11

Ulukozyo lwapesiwa pa bagholosu, po bakwizula nu buhobosu.

Aba Galatiya 6:14

Loli ane katalipo nakamo akakwituvikizyapo, loli chene ichipinjika icha Mwene u Yesu Kilisitu. Pakuti u Yesu akakomeliwa pachipinjika, umwakuyana bulo, ivintu ivya muchisu ichapasi vyakomeliwa kukwane, sona nane nkomeliwe ku vintu ivya muchisu ichapasi.

Aba Filipi 4:4

Muhobokaye mwa Mwene utubalilo tosi. Nkupyanizya sona ukuti, “Muhobokaye!”