Masalimo 63:9 - IBAYIBOLO 2024

⁹ Loli bosi babo bakubatika pakubunangannya ubumi bwane, bakwiza pakubuka kuchisu ichibizu nkani.

Masalimo 63:9 Iomraidhean Croise

Yobu 40:13

Ubasyile bosi poka mulufumbi; nukubanyembetelela ivyeni vyabo muchisu icha bantu abafwe.

Masalimo 18:36

Wankuzizya izila ukuti nendemo akiza, umwakuti inyayo zyane zitakatyelemukaye.

Masalimo 35:26

Bakoziwanje isoni nkani nukuvulungana abantu bosi, babo bakuhoboka pachifukwa ichakuyimba kwane. Bakoziwanje isoni nukusamuliwa, babo bakwikwezya pamaso papane.

Masalimo 35:4

Bakoziwanje isoni babo bakubulondelezya ubumi bwane sona basamuliwanje. Bakoziwanje isoni babo bakubatika pakumbombela ivibibi sona banyokelaye kwisinda

Masalimo 38:12

Abantu babo bakubulondelezya ubumi bwane bakuntegha, abantu babo bakulonda pakumvulazya bakunena nizya ukunangannya, akabalilo kosi bakubatika nizya kumbombela ububibi.

Masalimo 40:14

Bosi babo bakulonda pakubwefya ubumi bwane, bakoziwanje isoni nukuvulungana. Bosi babo bakulonda pakubupelela intamyo ubumi bwane, banyokelaye kwisinda nukukoziwa isoni.

Masalimo 55:15

Ubufwe bubachenusyanje bulo abamanyani bane, sona binjilaye mwipumpa lubilolubilo, pakuti ububibi bukuwagha umuvundo pakasi papabo.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Masalimo 70:2

Babo bakulonda pakungogha bakoziwanje isoni nukuvulungana, sona bosi babo bakunyonywa pakunvulazya banyokele mwisinda nukusamuliwa.

Masalimo 86:13

Pakuti ulughano lwako papane lukulu nkani. Waghupoka umuzimu wane kubuzilo ubwibizu ubwa bafwe.

Masalimo 9:17

Ababibi bakwiza pakubuka kuchisu icha bafwe, kokuti inko izya bantu bosi babo bamuluvyizye u Chala.

Inyimbo izya Solomoni 8:5

Nkimba wenu yunuyu yuyo akufumila munkolongo, bo amweghamiye umughaniwa wache? Muntende mwikwi ilya manyele po papo nkakunyamusya, palapala unyoko akamela ulwanda, sona po papo ukapapiliwanga.

Yesaya 14:15

Loli wisiwa pasi mupaka mwipumpa, muchiliba ichibizu.

Yesaya 14:19

Loli amwe mwasumbiwa kuzi ku mapumpa ghinyu, ngati kasamba kako kate ni mbombo nayimoyimo, muvwinkiwe nimivimba iya babo, bakaghoghiwa nupanga, babo bakika muchiliba icha mabwe, ngati muvimba ghugho bakughukanyankila ninyayo,

Yesaya 14:9

“Ipumpa lyighukite ukuti likupokele awe, sona lyavundumuzya imizimu iya bafwe pakukulamuka, abantu bosi babo bakaba balongozi muchisu ichapasi, likubanyamusya pavitengo vyabo ivya bumwene, sona na bamwene bosi aba inko.

Imbombo 1:25

umwakuti apyane pambombo iya butumiwa mubuzilo ubwa Yudasi, yuyo akayileka nukubuka kubuzilo bubo bukamuyana.”

1 Samuweli 25:29

Nanti abantu bakusambukiye nukukulondelezya ukuti bakughoghe, u Mwene u Chala wako akwiza pakukupoka. Loli akwiza pakubusumba ubumi ubwa balwani bako ngati libwe mu fyata.

1 Samuweli 28:19

U Mwene akwiza pakukubika awe poka naba Izilayeli munyobe izya ba Filisiti. Po indabi awe poka na bana bako mukwiza pakunyagha kuno. U Mwene akwiza pakubabika abasilikali aba ba Izilayeli munyobe izya ba Filisiti.”