Masalimo 63:8 - IBAYIBOLO 2024

⁸ Umoyo wane ghukukakatiye, sona inyobe yako indilo yikunsungilila.

Masalimo 63:8 Iomraidhean Croise

2 Imbili 31:21

Ivintu vikamwendelagha akiza nkani u Hezekiya pachifukwa ichakuti pavyosi vivyo akabombagha mu Nyumba iya Chala pamo ukukonka indaghilo, akamulondelezya nkani u Chala wache nukumubombela nu moyo wache ghosi.

Masalimo 18:35

Ukunvighilila ni ngulu yako iya bupoki, inyobe yako indilo yanyavwanga, ubwavwilizi bwako bwankwezya.

Masalimo 37:24

Napapo angipunula, atakwiza pakuwa pakuti u Mwene akumulema ni nyobe yache.

Masalimo 41:12

Wanvighililagha pachifukwa icha busubiliwa bwane, sona wambikagha pamaso papako bwila na bwila.

Masalimo 73:23

Loli akabalilo kosi indi poka nawe, ukundema inyobe indilo.

Masalimo 73:25

Nkimba indi nu wenu uko kumwanya, loli wewe wemwene? Patalipo nachimochimo pachisu ichapasi chicho nkulonda, loli awe wemwene.

Masalimo 94:18

Bo nkwinong'ona ukuti ulwayo lwane lukutyelemuka, wee Mwene ulughano lwako lukanyavwa

Inyimbo izya Solomoni 2:6

Inyobe yache iyamongo yilemite kunkonto yane, sona anfukatiye ni nyobe yache indilo.

Inyimbo izya Solomoni 3:2

Nkamulondelezya mukaya akakulu nkani, na mumisebo sona na muminalo. Nkamulondelezya yuyo umoyo wane ghumughanite, Nkamulondagha, pope bulo intakamwagha.

Yesaya 26:9

Umoyo wane ghukukulondagha pabusiku, pandabindabi umuzimu wane ghukusamba nkani, Bo ubulongi bwako bukwiza pachisu ichapasi, Abantu aba muchisu ichapasi bakumanyila ubugholosu.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 42:1

U Mwene akuti, “Ennya umubombi wane yuyo nkumupa amaka, yuyo namusala sona nkuhoboka nawe, nkwiza pakubika u Muzimu wane papache, sona akwiza pakuzilongela inko zyosi mubwanaloli.

Matayi 11:12

Ukwanda pakabalilo aka Yohani Uwalozyo mupaka ilelo, Ubumwene ubwa Kumwanya bwayimba nkani, sona abantu abamaka bakuyezya pakubunangannya.

Luka 13:24

“Yezya nkani pakwinjila pamulyango umufinye. Pakuti abantu abinji bakwiza pakuyezya nkani pakwinjilapo, loli bakwiza pakupotwa.

Aba Kolosi 1:29

Ichi cho chifukwa nkwiyula nkani, ukuyana na maka ghagho u Kilisitu akumpa, ghagho ghakubomba imbombo mumwane.