Masalimo 63:11 - IBAYIBOLO 2024

¹¹ Loli u mwene akwiza pakuhoboka pachifukwa icha Chala. Bosi babo bakalapila mwitabwa lyache, bamuchindikaye, bo abamyasi basona imilomo yabo.

Masalimo 63:11 Iomraidhean Croise

Yobu 5:16

Po akubapa ulusubilo abantu abapina, loli akubighalila pamulomo abantu ababibi.

Masalimo 107:42

Abagholosu bakuzyennya zinizi nukusekela, loli abantu ababibi akubasona imilomo yabo.

Masalimo 2:6

Akutinji, “Namwimika u mwene wane mu Ziyoni, lilyo lighamba lyane izelu.”

Masalimo 21:1

Wee Mwene, u mwene akusekela pachifukwa icha maka ghako, akuhoboka nkani pachifukwa icha ubupoti bubo ukumupanga.

Masalimo 31:18

Abantu abamyasi babanje bulo myee, pakuti bakituvyanga nukubasamula abantu abagholosu.

Masalimo 44:20

Nanti tukaliluvya itabwa ilya Chala witu, sona nukubachindika abachala abayeni,

Yesaya 19:18

Pisiku lilalila utwaya fayivi utukulu nkani utwa mu Ijiputi tukwiza pakunena ineno iya mu Kenani nukulapa ichilapo kwa Mwene Uwamaka Ghosi. Akaya koka patwaya tula kakwiza pakwitiziwa ukuti akaya akakulu nkani aka izuba.

Yesaya 45:23

Ulufingo lwane lwanaloli, sona lutakwiza pakwanduliwamo. Umuntu wesi akwiza pakumfughamilila, nukufingila mwitabwa lyane.

Yesaya 65:16

Wesi yuyo akulaba ulusayo muchisu, akwiza pakulwaghila mwa Chala uwa bwanaloli, wesi yuyo akulapa ichilapo muchisu, akwiza pakulapila mwa Chala uwa bwanaloli. Pakuti intamyo izyakale zikwiza pakuluviwa, nukufisiwa pamaso papane.

Yelemiya 18:21

Po ilelo Mwene, baleke abana babo bafwanje nizala, baleke bafwile kubwite. Baleke abachi babo babanje bafwilwe, abasita bana nabamobamo. Baleke abalume babo baghoghiwe, baleke abalumendo bafwile kubwite.

Zefaniya 1:5

Nkwiza pakubanangannya babo bakukwela pavisonje ivya nyumba pakwiputa izuba nu mwezi sona ni ntondwa. Nkwiza pakubazimizya babo bakufughama pasi, nukulapila mwitabwa ilya Mwene sona pakabalilo kanako bakulapila mwitabwa ilya chala u Moleki.

Aba Loma 3:19

Ilelo tuzimenye ukuti vyosi vivyo Indaghilo zikunena, zikunena nizya bantu babo bali pasi pa Ndaghilo, umwakuti patakabepo na pabulyeghelo napamopamo, sona nukuti bosi bakwiza pakulongiwa nu Chala.

Ukukumbusya Amalamulo 6:13

Mumuchindikaye u Mwene u Chala winyu, mumubombelaye yuyo mwene. Bo mukulapa ichilapo mulapilaye mwitabwa lyache lyene.

Aba Hebeli 6:13

Bo u Chala akumulayizya u Abulahamu, akalapa mwitabwa ilyache ni lyache, pakuti atakabapo nayumo umuntu uwakumuchila.

1 Samuweli 23:17

Akamubuzya akati, “Utakanyilaye. Utata wane atakwiza pakukughogha. Awe ukwiza pakuba we mwene uwa Izilayeli, sona ane nkwiza pakuba ne wabubili wako. Utata wane azimenye akiza bulo zinizi.”

1 Samuweli 24:20

Naloli ilelo nazimanya ukuti ukwiza pakuba we mwene uwa Izilayeli, sona nukuti ubumwene ubwa Izilayeli bukwiza pakuba pasi pabulaghili bwako.