Masalimo 63:1 - IBAYIBOLO 2024

¹ Wee Chala, awe we Chala wane, sona nkukulondelezya nu moyo wane ghosi. Umoyo wane ghuli ni nyota nawe, sona umubili wane ghope ghukukusamba. Nkukusamba nkani ngati chisu ichumizu, sona ngati nkolongo yiyo yite na mizi.

Masalimo 63:1 Iomraidhean Croise

2 Samuweli 15:28

Ane nkwiza pakulindilila piloboko munkolongo mupaka mumbuzye namumo ivintu vibeleye.”

1 Imbili 16:14

U Mwene we Chala witu sona akuchilonga ichisu chosi ichapasi.

Yobu 8:5

Loli nanti ukubomba zizyo u Chala akulonda, nukumulambilizya Uwamaka Ghosi,

Masalimo 118:28

Awe we Chala wane, po nkupalizyanje, sona nkwiza pakufumusya nizya bukulu bwako.

Masalimo 119:81

Umoyo wane ghukubusamba nkani ubupoki bwako, loli ane indisubiye izyu lyako.

Masalimo 143:10

Umanyisyanje ubwighane bwako, pakuti awe we Chala wane. Umuzimu wako umwiza ghundongozyanje muzila yako inyiza.

Masalimo 143:6

Nkukwezya inyobe zyane kukwako, umoyo wane ghuli ni nyota nawe, ngati po chisu ichumizu.

Masalimo 31:14

Wee Mwene wane, nkusubiye wewe. Po nkuti, “Awe we Chala wane.”

Masalimo 42:11

Wee muzimu wane, nkimba choni chicho uli ni chitima? Nkimba choni chicho mukasi mumwane mukutamiwa? Umulindililaye u Chala, pakuti nkwiza pakumupala, yuyo Mupoki wane sona nu Chala wane.

Masalimo 5:3

Wee Mwene wane, pandabindabi ukwivwa izyu lyane, sona pandabindabi nkukubuzya vivyo nkuvilonda, po nkulindilila ukuti unyamule.

Masalimo 78:34

Nanti u Chala akubaghogha, abene bakamulondelezyanga. Bakapinduka nukumulondelezya u Chala nu moyo wabo ghosi.

Masalimo 84:2

Umuzimu wane ghukulusamba sona ghukululonda nkani ulubinjilo ulwa Mwene. Umoyo nu mubili wane vikumwimbila nu lusekelo u Chala uwa bumi.

Masalimo 91:2

Nkuti, “U Mwene wakuvwamilamo ni linga lyane, u Chala wane yuyo imusubiye.”

Ukufuma 15:2

U Mwene we maka ghane, nu lwimbo lwane, sona aba bupoki bwane. We Chala wane, po nkwiza pakumupala, u Chala uwa tata wane, sona nkwiza pakumukwezya.

Ukufuma 17:3

Loli abantu bala bakaba ni nyota nkani, po bakilumbusyanga kwa Mozesi bakati, “Nkimba choni chicho ukatwefyamo muchisu icha Ijiputi? Fwandi ukulonda pakutughogha ni nyota aswe na bana bitu, sona ni vitekwa vyitu?”

Ivyili 8:17

Imbaghanite babo banganite, sona babo bakundondelezya nu moyo ghosi bakunyagha.

Inyimbo izya Solomoni 5:8

Mwee bakolo aba mu Yelusalemu, lapa, nanti mwamwagha umughaniwa wane, mumubuzye ukuti ulughano lwantenguye nkani.

Yesaya 32:2

Umuntu wesi akwiza pakuba ngati buzilo ubwa kuvwamamo kumpepo, nu buzilo ubwa kuponelamo kuvula, ngati tusoko utwa mizi munkolongo, numuzyezye uwa ilyalabwe ikulu nkani muchisu ichumizu.

Yesaya 35:7

Umusesenga uwa kocha ghukwiza pakuba chiziba, po ichisu ichumizu chikwiza pakuba ni mbwibwi. Mubuzilo ubwa bakambwe, mukwiza pakumela isote ni ntete.

Yesaya 41:18

Nkwiza pakuzipela isoko ukwenda pamwanya, pamaghamba agha munkolongo, sona imbwibwi zikwiza pakwighuka mumakombe. Nkwiza pakwandula inkolongo pakuba viziba ivya mizi, muchisu ichumizu mukwiza pakuba imbwibwi.

Yelemiya 31:1

U Mwene akuti, “Amasiku ghakwiza ghagho nkwiza pakuba ne Chala uwa luko losi ulwa Izilayeli, sona bakwiza pakuba bantu bane.”

Yelemiya 31:33

U Mwene akati, “Ulu lo lufingo lulo nkwiza pakufingana naba Izilayeli mumasiku ghalaghala. Nkwiza pakubika ululaghilo lwane mukasi mumwabo nukulusimba mumoyo ghabo. Nkwiza pakuba ne Chala wabo, sona abene bakwiza pakuba bantu bane.

Hoseya 5:15

Nkwiza pakunyokela kubuzilo bwane, mupaka bilate imbibi zyabo. Bo bali muntamyo zyabo, bakwiza pakundonda na moyo ghabo ghosi.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Matayi 12:43

“Bo umuzimu umubibi ghukwepamo mumuntu, ghukwendakwenda muchisu ichumizu pakulonda ubuzilo ubwakutuzyapo. Nanti ghutakubwagha bumo,

Matayi 6:33

Loli amwe, mulondaye tasi Ubumwene ubwa Chala nukubomba zizyo akulonda, po akwiza pakubapa ivintu vyosi vinivi.

Yohani 20:17

U Yesu akamubuzya akati, “Utakampalamasye pakuti inchili pakukwela kumwanya kwa Tata. Loli kababuzye abakamu bane ukuti, ‘Nkunyokela kumwanya kwa Tata wane, yuyo namwe we ghuso winyu, sona u Chala wane, yuyo namwe we Chala winyu.’ ”

Yohani 7:37

Pisiku ilyabumalilo ilya lusekelo, lilyo likaba ilya pamwanya nkani, u Yesu akimilila nukunena na mazyu agha pamwanya ukuti, “Umuntu wesi yuyo ali ni nyota ize kukwane nukung'wela.

1 Samuweli 22:5

Loli umulaghuzi u Gadi akamubuzya u Devedi akati, “Epamo mumpako muno, bukagha ku Yuda.” Po u Devedi akepamo nukwinjila mumusitu uwa Heleti.