Masalimo 61:2 - IBAYIBOLO 2024

² Nkukwitizya bo indikubumalilo ubwa chisu ichapasi, sona bo umoyo wane ghukutamiwa nkani. Po undongozezye kwilyalabwe itali nkani ukunchila.

Masalimo 61:2 Iomraidhean Croise

Masalimo 142:3

Nanti umuzimu wane wadedebala, awe akwiza pakumanya zizyo imbaghiye pakubomba. Po muzila zizyo nkwendamo, abantu bateghitemo ivipingo.

Masalimo 143:4

Po umuzimu wane wadedebala nkani, sona umoyo wane ghuli nubogha.

Masalimo 17:1

Wee Mwene teghelezya, bo nkulaba, sona ivwa ukulila kwane! Ivwa ulwiputo lwane lulo lukufuma mumulomo uwanaloli.

Masalimo 18:2

U Mwene we lyalabwe lyane we lilinga lyane, sona we mupoki wane. U Chala wane we lyalabwe lyane, mumo nkuponelamo. We ngulu yane ni mpembe yane, iya bupoki bwane, sona we lilinga lyane.

Masalimo 18:46

U Mwene umumi, apaliwanje Ilyalabwe lyane. Achindikiwanje u Chala Umupoki wane.

Masalimo 27:5

Pakuti pakabalilo akantamyo, akwiza pakunsungilila akiza mu Nyumba yache. Akwiza pakunfisa mukasi muchisakasa chache nukumbika pamwanya pilyalabwe itali.

Masalimo 40:2

Akanyefyamo muchiliba ichakoghofya, nukunzubula mumatope na muvinyazu. Po akazikanyizya inyayo zyane pilyalabwe, sona akazikazya inyayo zyane.

Masalimo 42:6

Umoyo wane ghukutamiwa, polelo nkwiza pakukukumbuka, bo indi muchisu icha Yolodani, sona bo indi pighamba ilya Helimoni nilya Mizali.

Masalimo 43:5

Wee muzimu wane, nkimba choni chicho uli ni chitima? Nkimba choni chicho mukasi mumwane mukutamiwa? Umulindililaye u Chala, pakuti nkwiza pakumupala, yuyo Mupoki wane sona nu Chala wane.

Masalimo 55:5

Ubogha nukutetema vyandema, vyope ivyakoghofya vyintenguye.

Masalimo 62:2

Wee lyalabwe lyane nu bupoki bwane, sona we lilinga lyane, po ntakwiza pakuyingana nalumolumo.

Masalimo 62:6

U Mwene we lyalabwe lyane, sona we bupoki bwane, we lilinga lyane, po ntakwiza pakuyingana.

Masalimo 77:3

Wee Chala, nkakukumbuka, sona nkakolomoka, nanti nkwinong'ona nizya yuyo, nkuwa amaka.

Yesaya 32:2

Umuntu wesi akwiza pakuba ngati buzilo ubwa kuvwamamo kumpepo, nu buzilo ubwa kuponelamo kuvula, ngati tusoko utwa mizi munkolongo, numuzyezye uwa ilyalabwe ikulu nkani muchisu ichumizu.

Yesaya 54:11

U Mwene akuti, “Wee Yelusalemu we kaya akakulu nkani akakuyimba, kako kate nu wakukasangalusya, nkwiza pakukuzenga na mabwe amiza pakuluzenga ulwalo lwache, na mabwe agha safile.

Luka 22:44

U Yesu akayimba nkani mumoyo wache nukwiputa umwakufikapo. Amafuku ghache ghakatonyela pasi ngati lyo libanda.

Ukukumbusya Amalamulo 4:29

Loli nanti mukumulondelezya u Mwene u Chala winyu, bo muli kulakula, sona nanti mukumulondelezya na moyo ghinyu ghosi nu muzimu winyu ghosi, mukwiza pakumwagha.