Masalimo 60:7 - IBAYIBOLO 2024

⁷ Ichisu icha Giliyadi chane, sona chope icha Manase chane, ichisu icha Efulayimu cho chisote chane, sona icha Yuda yo mpalala iya bumwene

Masalimo 60:7 Iomraidhean Croise

Ubwandilo 49:10

Impalala iya bumwene yitakwiza pakwepamo nalumo munyumba iya Yuda. Akwiza pakubukakatila ubumwene ubu, akwiza pakughasunga amaka ghache mupaka u mwenemaka ghache ize, inko zyosi zikwiza pakumwivwila.

1 Imbili 12:19

Aba Manase bamo bakachimbila nukubuka kwa Devedi, bo akubuka poka naba Filisiti pakulwa ubwite nu Sabuli. Loli u Devedi poka na bantu bache batakabavwa aba Filisiti, pachifukwa ichakuti, bo bababuzikizya abalongozi babo bakamunyosya bakati, “Nanti anyokela kwa mwene wache u Sabuli, aswe tukwiza pakunanganika panapo na panapo.”

1 Imbili 12:37

Aba Lubeni, naba Gadi, sona nuhafu uwaluko ulwa Manase, pakabapo abasilikali 120,000 aba kwisila ilya lusoko ulwa Yolodani, babo bakiyannya pakulwa ubwite pakubombezya ivilwilo ivyakulekanalekana.

Masalimo 108:7

U Chala anena bo ali mubuzilo bwache ubuzelu ati, “Pachifukwa icha kupota kwane nkwiza pakugaba ichisu icha Shekemu, sona nabika impaka mwikombe ilya Sukoti.

Ukukumbusya Amalamulo 33:17

U Yosefu ali na maka ngati nkambaku, impembe zyache ziyanite bulo ni mpembe izya mpogho, Ni mpembe zinizi akwiza pakuzipula inko izinji, sona ninko zizyo zili kumpaka iya chisu ichapasi. Impembe zinizi bo bantu 1,000 aba Efulayimu, sona bo bantu amasabuzani agha luko ulwa Manase.”

Yoshwa 13:31

sona ni chigaba chimo icha Giliyadi nicha Ashitaloti nicha Edileyi nu twaya utukulu utwa bumwene ubwa Ogi mu Bashani. Ubuzilo bosi bunubu akabagabila ichigaba chimo icha bamunyumba iya Makili umwana uwa Manase pakuba mpyana yabo ukuyana ni nyumba zyabo.

Yoshwa 17:1

Po ichigaba chimo icha chisu chila chikapeghiwa kuluko ulwa Manase, ukatote uwa Yosefu. U Makili umunyenya uwa bantu babo bakikalagha mu Giliyadi akaba we katote uwa Manase. U Makili akaba musilikali, umwakuti akapeghiwa ichisu icha Giliyadi, nicha Bashani.

1 Samuweli 28:2

U Devedi akamula akati, “Po ukwiza pakwennya zizyo ane ne mubombi wako nkwiza pakubomba.” U Akishi akamula akati, “Wabomba akiza, nkwiza pakukubika ukuti ubanje wakubuzighilila ubumi bwane bosi.”