Masalimo 60:6 - IBAYIBOLO 2024

⁶ U Chala anena bo ali mubuzilo bwache ubuzelu ati, “Pachifukwa icha kupota kwane nkwiza pakugaba ichisu icha Shekemu, sona nabika impaka mwikombe ilya Sukoti.

Masalimo 60:6 Iomraidhean Croise

Ubwandilo 12:6

u Abulamu akendela ichisu chosi mupaka mukaya aka Shekemu, mupaka nukufika pikwi ilya mupandapanda mu Mole. Pakabalilo kalakala, aba Kenani bakikalagha muchisu chilachila.

2 Samuweli 3:18

Losi ulu bombapo zimo, pakuti u Mwene akamulayizya u Devedi akati, ‘Nkwiza pakubapoka abantu bane aba Izilayeli munyobe izya ba Filisiti, sona na munyobe izya balwani babo ukwendela mu mubombi wane u Devedi.’ ”

Masalimo 119:162

Nkusekela nizyu lyako, ngati muntu yuyo abwagha ubukabi.

Masalimo 132:11

U Mwene akalapa kwa Devedi po atakwiza pakuchandula ichilapo chache akati, “Nkwiza pakumwikazya pachitengo icha bumwene weka uwa bana bako abalumendo.

Masalimo 56:4

Nkumupala u Chala, pachifukwa icha izyu lyache, imusubiye u Chala po ntakwiza pakunyilapo nachimochimo. Nkimba umuntu angambombela bubibi boni?

Masalimo 89:19

Akabalilo kamo ukababuzya abasubiliwa bako muchisetuka ukuti, “Nayibika impumpu yane pa muntu uwamaka nkani, namukwezya umuntu umunandi nkani pakasi pa Izilayeli.

Masalimo 89:35

Nalapa aka kwanda naka bumalilo mubuzelu bwane, ukuti ntakwiza pakumuzimbula u Devedi.

Yelemiya 23:9

Pakunena nizya balaghuzi, umoyo wane ghuli nichitima nkani, amafupa ghane ghakutetema. Indi ngati muntu yuyo akolizwe, umuntu yuyo u vinyo amumalite amaka pachifukwa icha Mwene sona na mazyu ghache amazelu.

Amosi 4:2

U Mwene Uwamaka Ghosi alapila mwitabwa lyache izelu ati, “Naloliloli akabalilo kakwiza kako mukwiza pakusikuliwa bulo ni ndobani, umuntu wesi akwiza pakuba ngati yo swi ku ndobani.

Yoshwa 1:6

“Ubanje nu lweke, sona ujimbaye, pakuti wewe ukwiza pakubalongolela abantu banaba pakuchifyula ichisu chicho nkabalayizya abanyenya babo.

Yoshwa 13:27

U Gadi akagabiliwa sona ikombe ilya Yolodani, nakaya aka Beti Halamu naka Beti Nimula naka Sukoti naka Zafoni sona ni chigaba chimo icha chisu icha Sihoni, u mwene uwamu Heshiboni kubufumilo ubwizuba ubwa Yolodani mupaka kubumalilo ubwa Nyanja iya Galileya.

Yoshwa 17:7

Impaka iya chisu icha Manase yikandila ku Asheli mupaka ku Mikimetati kubwinjililo bwizuba ubwa Shekemu. Po yikendelela kuntende mupaka kuchisu icha bantu babo bakikalagha mu Eni Tapuwa.

Yoshwa 20:7

Po aba Izilayeli bakasala akaya akakulu nkani aka Kedeshi mu Galileya muchisu icha mumaghamba icha Nafutali nakaya akakulu nkani aka Shekemu muchisu icha mumaghamba icha Efulayimu sona nakaya aka Kiliyati Aliba kokuti Hebuloni muchisu icha mumaghamba icha Yuda.

Yoshwa 24:1

U Yoshwa akazibungannya inko zyosi izya ba Izilayeli pa Shekemu. Akabitizya abasongo na balongozi na balongi sona na makambala agha ba Izilayeli, po bosi bakiza pamaso pa Chala.

Yoshwa 24:32

Amafupa agha Yosefu ghagho aba Izilayeli bakiza nagho, bo bakwepamo mu Ijiputi, bakaghasyila mu Shekemu, ubuzilo bubo u Yakobo akaghula ku bana abalumendo aba Hamoli uwise uwa Shekemu ni salabazya izya siliva 100. Po ichisu chila chikaba mpyana iya baluko ulwa Yosefu.