Masalimo 60:3 - IBAYIBOLO 2024

³ Wabitikizya abantu bako ukuti bakomane nintamyo impalapala, sona watung'wesya uvinyo, po tukutantalila nawe.

Masalimo 60:3 Iomraidhean Croise

Nehemiya 9:32

“Polelo wee Chala witu, we wamaka nkani sona nu wakoghofya, wewe ukusunga ulufingo lwako ulwa lughano, utakitikizyanje ukuti amayimba ghitu ghanagha ghabonekaye mapepe kukwako. Amayimba ghatuwila aswe na bamwene bitu na balongozi bitu na baputi bitu na balaghuzi bitu na banyenya bitu sona na bantu bako bosi ukwandila pakabalilo aka bamwene aba mu Asiliya mupaka nilelo bulo.

Masalimo 71:20

Napapo wantumila intamyo sona ni vyakubaba, loli ukwiza pakumpa sona amaka. Po ukwiza pakunyefyamo muchiliba ichibizu nkani.

Masalimo 75:8

U Mwene alemite ulubako munyobe, lulo lwizuye nu vinyo uwa itatafula umongannye ni vyakunonezya ichakulya. Akumupungula, po abantu ababibi bosi aba muchisu ichapasi bakung'wela, bakung'wela wesi mupaka pamasika.

Masalimo 80:4

Wee Mwene u Chala Uwamaka Ghosi, nkimba ukwiza pakuzikalalila inyiputo izya bantu bako mupaka liyi?

Masalimo 80:8

Ukalunyunkulamo ulutabo lwamampesya mu Ijiputi, ukabefyamo abantu aba inko izinji nukulubyala mulamula.

Masalimo 85:5

Nkimba ukwiza pakutukalalila bwila na bwila? Nkimba ukwiza pakukalala mupaka ku nkulilo izya muntazi?

Masalimo 89:39

Walunangannya ulufingo lulo ukafingana nu mubombi wako, wayinyazya impumpu nu lufumbi.

Yesaya 51:17

Wee Yelusalemu, vundumuka, vundumuka! Nyamuka! Wang'wela ulubako ulwa lufundo, lulo u Mwene mubukali bwache akabapa, lwabapela ukuti mutantalilaye.

Yesaya 51:22

U Mwene Uwamaka Ghosi u Chala winyu, yuyo akubapoka abantu bache akuti, “Ennya nefyako ulubako, lulo lukakupelagha pakutantalila, ulubako lulo nkabapa bo nkalaye, mutakwiza pakung'welamo sona.”

Yelemiya 25:15

U Mwene, u Chala uwa ba Izilayeli akambuzya akati, “Senda ulubako ulwa vinyo ulwizule nubukali bwane, uzing'wesye inko zyosi zizyo nkukutumako.

Nkuto 4:21

Mwee bantu ba mu Edomu, mwe mukwikala muchisu icha Uzi, sekelagha sona hobokagha, Namwe bulo ulubako lunulu lukwiza pakubizilagha, po mukwiza pakukolwa nalo nukuvula amenda.

Daniyeli 9:12

Wazikwanilisya zizyo ukatubuzya sona zizyo ukababuzya abanyenya bitu pakutuwisizya intamyo. Zinizi zitabombiwepo nalumo ukuyana namumo chikabombiwa mu Yelusalemu.

Habakuku 2:16

Ukwiza pakukoziwa isoni mubuzilo ubwa buchindamu. Polelo chili papako, ng'welagha umwakuti ulanjizye ukusita kusilimuliwa kwako. Ubukali ubwa lubako ulwa Mwene bukwiza papako, ubuchindamu bwako bukwiza pakusamuliwa.

Ubuvumbuli 16:19

Akaya akakulu nkani aka Babiloni kakagabinkana patatu, sona nutwaya utukulu nkani utwa vyisu vyosi tukamongoliwa. U Chala akamung'wesya u Babiloni umukulu nkani yula uvinyo uwa mulubako lwache, lulo lukizula nu bukali bwache ubukulu.

Ubuvumbuli 18:16

bakanena bakati, ‘Intamyo mwee! Intamyo mwee! Intamyo wee akaya akakulu nkani. Ukavwala amenda amaswepu na machesamile sona na machesamu. Ukavwala ivintu ivya golide na mabwe aghamutengo, sona na mambo agha pamwanya.