Masalimo 6:8 - IBAYIBOLO 2024

⁸ Epako kukwane mwebosi mwe babomba imbibi, pakuti u Mwene ivwa ukulila kwane.

Masalimo 6:8 Iomraidhean Croise

Yobu 17:7

Amaso ghane ghali nakafobela pachifukwa icha chitima; po ivigaba vyane vyosi vili ngati muzyezye.

Masalimo 116:8

U Mwene ukabupoka ubumi bwane kubufwe, sona amaso ghane kumasozi, inyayo zyane zyope zitakipunula,

Masalimo 119:115

Mwe babomba mbibi, epako kukwane, umwakuti ingakonkaye amalamulo agha Chala wane.

Masalimo 139:19

Wee Chala, nalondagha nkani, ngali wabaghoghagha abantu ababibi, umwakuti abantu abakukupula ibanda bepeko kukwane.

Masalimo 145:18

U Mwene akuba papipi na bosi babo bakumwitizya, kokuti bosi babo bakumwitizya mubwanaloli.

Masalimo 3:4

Nkumwitizya u Mwene umwakukolomoka, po akunyamula bo ali pighamba lyache izelu.

Masalimo 31:10

Ubumi bwane bukumala pachifukwa icha chitima, amaka ghane ghakumala pachifukwa icha kulila. Amaka ghane ghakupotwa pachifukwa icha kuyimba kwane amafupa ghane ghavyughuka.

Masalimo 56:8

Umenye namumo nkuyimbila, bika amasozi ghane musonta yako. Nkimba utavisimbite vyosi vinivi mwibuku lyako?

Yesaya 30:19

Mwee bantu aba mu Ziyoni, mwe mukwikala mu Yelusalemu, mutakwiza pakulila sona. Naloli u Mwene akwiza pakuba ni chisa namwe pakwivwa ukulila kwinyu ukuti abavwe! Bo ivwa bulo umwalubilolubilo akwiza pakubamula.

Yesaya 38:3

“Wee Mwene ukumbuke mumo nendelagha pantazi papako umwabusubiliwa nu moyo uwakwiyipa sona nukubomba inyiza pantazi papako.” Po u Hezekiya akalila nkani.

Yesaya 38:5

“Buka umubuzye u Hezekiya ukuti u Mwene, u Chala uwa munyenya wako u Devedi akuti, ‘Nivwa ulwiputo lwako sona naghennya amasozi ghako, nkwiza pakukonjelezya amaka 15 mubumi bwako.

Nkuto 3:56

Ukivwa ukulambilizya kwane bo nkuti, ‘Utakampanje inkonto, bo nkulaba ukuti unyavwe.’

Matayi 25:41

“Po akwiza pakubabuzya abantu aba kunyobe imongo ukuti, ‘Epako kukwane mwe baghuniwa. Bukagha mumoto uwa bwila na bwila ghugho bamuyanizye u Satana na bantumi bache!

Matayi 7:23

Po nkwiza pakubabuzya ukuti, ‘Ntabamenye nalumo, epapo, mwe bantu ababibi amwe!’

Luka 13:27

Loli akwiza pakunena sona ukuti, ‘Intamenyeko kuko mwafuma. Epako, mwe bantu ababibi amwe.’

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.