Masalimo 6:2 - IBAYIBOLO 2024

² Wee Mwene umpelelaye ichisa, pakuti ne mudedebazu. Wee Mwene umpozyanje, pakuti amafupa ghane ghakumbaba nkani.

Masalimo 6:2 Iomraidhean Croise

Ubwandilo 20:17

U Abulahamu akamwiputila u Abimeleki, pachifukwa icha zizyo zikabombiwa, po u Chala akamupozya. Akamupozya sona umuchi wache poka na bakolo abazya ukuti impapo zyabo zyighuke sona,

Yobu 19:21

“Mwee bamanyani bane, mumpelelaye ichisa, nalamba mumpelele ichisa, pakuti u Chala anfunda.”

Yobu 5:18

Pakuti weyuyo akuvulazya, sona weyuyo akuvipinya ivilonda vilavila. Weyuyo akuvulazya, loli inyobe zyache zyo zizyo zikupozya.

Masalimo 22:14

Ubumi bwane bukupukiye pasi ngati mizi, sona amafupa ghane ghosi ghavyughuka. Umoyo wane wasunguluka ngati lipula, wasunguluka mukasi mumwane.

Masalimo 30:2

Wee Mwene Chala wane, nkakwitizya ukuti unyavwe, po ukampozya.

Masalimo 31:10

Ubumi bwane bukumala pachifukwa icha chitima, amaka ghane ghakumala pachifukwa icha kulila. Amaka ghane ghakupotwa pachifukwa icha kuyimba kwane amafupa ghane ghavyughuka.

Masalimo 32:3

Bo intilatite imbibi zyane, umubili wane ghukaghandagha, pachifukwa ichakuti nkakolomagha isiku lyosi.

Masalimo 38:2

Pakuti utulasilo twako twandasa, sona wanfunda na maka ghako amakulu nkani.

Masalimo 38:3

Pachifukwa icha bukali bwako nkubabwa nkani. Umubili wane ghosi wabina, pachifukwa icha mbibi zyane.

Masalimo 38:7

Umusana ghukumbaba nkani, sona ghope umubili wane ghute na maka.

Masalimo 51:8

Unyizuzyanje nukuhoboka nu lusekelo, amafupa ghane ghagho ukaghatizannya ghasekelaye.

Ukufuma 15:26

akati, “Nanti mukunyivwila ane nukubomba zizyo ngolosu pakukonka indaghilo zyane nukwivwila akiza vyosi vivyo nkubalamula, ntakwiza pakubafunda nu bubine ukuyana namumo nkabafundila aba Ijiputi. Pakuti ane ne Mwene, yuyo akubapozya.”

Yelemiya 10:24

Wee Mwene, unchemele, loli unchemele mubugholosu. Utakankalalile umwakuti intakipele pakuba chintu ichabulo.

Yelemiya 17:14

Wee Mwene, umpozye po nkwiza pakupola, umpoke po nkwiza pakupona, pakuti wewe nkukupala.

Hoseya 6:1

Abantu bakuti, “Zagha tunyokele kwa Mwene. Napapo atuzepulannya mutuvigaba, loli akwiza pakutupozya. Napapo atuvulazya, loli akwiza pakutupinya ivilonda.

Ukubelengiwa 12:13

Po u Mozesi akamulambilizya u Mwene akati, “Wee Chala, nalamba mupozye!.”

Matayi 4:24

Imbili iya Yesu yikasata muchisu chosi icha Siliya, umwakuti abantu bakiza kukwache na babine bosi babo bakaba nu bubine ubwakulekanalekana, na babo bakivwa ububavu mu mabili ghabo—abantu babo bakaba ni mizimu imibibi, abavizilisi na babo bafuye ivinama, po u Yesu akabapozya bosi.

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.