Masalimo 6:10 - IBAYIBOLO 2024

¹⁰ Abalwani bane bosi bakwiza pakukoziwa isoni nukuba nubogha, po bakwiza pakuchimbila lubilolubilo pachifukwa icha soni.

Masalimo 6:10 Iomraidhean Croise

2 Abamwene 20:5

“Nyokela umubuzye u Hezekiya, umulongozi uwa bantu bane uti: U Mwene, u Chala uwa munyenya wako u Devedi akuti, ‘Ane nivwa ulwiputo lwako, sona naghennya amasozi ghako, nkwiza pakukupozya umwakuti pisiku ilyabutatu ukwanda ilelo, ukwiza pakubuka ku Nyumba iya Mwene.

Yobu 6:29

Tonta umoyo, Utakambombelaye ichintu ichibibi. Utakampanje inongwa, pakuti ne mugholosu.

Masalimo 112:10

Umuntu umubibi akwiza pakuzyennya zinizi, po bakwiza pakukalala nkani. Akwiza pakusyeketula amino nukuzimila, sona ivintu vivyo akuvinyonywa vitakwiza pakubombiwa.

Masalimo 132:18

Nkwiza pakubavwika isoni abalwani bache, Loli impumpu yache yinyezimilaye.”

Masalimo 2:5

Po mubukalale bwache akubachemela, sona akuboghofya mubukali bwache.

Masalimo 25:3

Umuntu yuyo akusubiye atakwiza pakukoziwa isoni nalumo, loli ubakozyanje isoni abantu abakusambuka.

Masalimo 35:26

Bakoziwanje isoni nkani nukuvulungana abantu bosi, babo bakuhoboka pachifukwa ichakuyimba kwane. Bakoziwanje isoni nukusamuliwa, babo bakwikwezya pamaso papane.

Masalimo 5:10

Wee Chala, ubafundaye, sona balemiwanje muvipingo vyabo. Ubefyepo pamaso papako pachifukwa icha mbibi zyabo inyinji, pakuti bakusambukiye.

Masalimo 55:20

Umumanyani wane akubakoma abamanyani bache, sona akulunangannya ulufingo lwache.

Masalimo 7:6

Wee Mwene, vundumuka mubukalale bwako, nyamuka umwakuti ulwanje na balwani bane abakali. Wee Chala wane lamusya, umwakuti ulongelaye mubwanaloli.

Masalimo 71:13

Abantu babo bakusunsya bazimilaye pachifukwa icha soni, sona bope babo bakulonda pakunvulazya, basamuliwanje nukukoziwa isoni.

Masalimo 71:24

Ululimi lwane lukwiza pakubapangila abanji isiku lyosi nizya mbombo zyako ingolosu, pakuti abantu babo bakulonda pakunvulazya bakoziwa isoni, sona bavulunganite.

Masalimo 73:19

Mukabalilo akapimpa bulo bakuzimila, bakuzimila bosi nu bufwe ubwakoghofya.

Masalimo 86:17

Undanjizye ichimanyilo icha bwiza bwako, umwakuti abantu babo bambengite bennye, nukukoziwa isoni, pachifukwa ichakuti awe we Mwene wanyavwa, nukunsangalusya.

Ivyili 29:1

Umuntu yuyo akuba nu moyo umukafu bo achemeliwa akinji bulo, naloli lubilolubilo akunanganika umwakusita kupola.

Yesaya 26:11

Wee Mwene, wakwezya inyobe yako, loli abene batakuyennya. Abantu banaba bakoziwanje isoni, ubalanjizyanje namumo ubaghaniye, leka bennye ulweke lwako, numoto ghugho ubasungiye abalwani bako, ghubalunguluzye.

Yelemiya 20:11

Loli u Mwene ali kulubazu lwane, ngati musilikali uwamaka ghosi, po babo bakunvwima bakwiza pakwipunula sona batakwiza pakumpota. Bakwiza pakukoziwa isoni akabalilo kosi, sona batakwiza pakumpota. Ukukoziwa isoni kwabo kutakwiza pakuluvyiwa.

Malaki 3:18

Mukwiza pakwennya sona ukulekana pakasi pabagholosu na babibi, na pakasi pababo bakumubombela u Chala na babo batakumbombela.”

1 Aba Tesalonika 5:3

Bo abantu bakunena ukuti, “Pali umutende, vyosi vili akiza bulo”, panapo ukumongoka kukwiza pakubawila lubilolubilo. Chikwiza pakubachenusya bulo ukuyana nu bubavu bubo umukolo akwivwa pakupapa, po bate bakalyeghe napo panandi.