Masalimo 59:5 - IBAYIBOLO 2024

⁵ Wee Mwene u Chala Uwamaka Ghosi, sona Chala uwa Izilayeli, vundumuka ukuti ubafunde abantu aba inko izinji, sona utakabapelelaye ichisa abantu ababibi abazimbuli.

Masalimo 59:5 Iomraidhean Croise

Ubwandilo 33:20

Palapala akazengapo chighemo nukuchita ukuti Eli Elohi Izilayeli chicho chikung'anamula ukuti u Chala, we Chala uwa Izilayeli.

Masalimo 54:3

Abantu abakwituvya bansambukiye, sona abantu aba moyo amakafu bakulonda pakungogha, babo batakupasya napo panandi nizya Chala.

Masalimo 55:15

Ubufwe bubachenusyanje bulo abamanyani bane, sona binjilaye mwipumpa lubilolubilo, pakuti ububibi bukuwagha umuvundo pakasi papabo.

Masalimo 7:7

Uzibungannye inko ukuti zikuzyungulilaye, po uzilongaye bo wikaye pachitengo chako kumwanya.

Masalimo 80:4

Wee Mwene u Chala Uwamaka Ghosi, nkimba ukwiza pakuzikalalila inyiputo izya bantu bako mupaka liyi?

Masalimo 84:8

Wee Mwene u Chala Uwamaka Ghosi ivwa ulwiputo lwane, wee Mwene u Chala uwa Yakobo nteghelezya.

Masalimo 9:15

Abantu aba inko izinji bawila muchiliba chicho bikumbiye bene, sona inyayo zyabo zilemiwe muchilepa chicho bakategha.

Ukufuma 20:5

“Utakavifughamililaye pamo pakuvyiputa, pakuti ane ne Mwene u Chala winyu, ne muzuba. Nkubafunda abana aba nkulilo iyabutatu mupaka ni yafolo pachifukwa icha mbibi izya bawise.

Ukufuma 3:15

U Chala akamubuzya sona u Mozesi akati, “Ubabuzye aba Izilayeli uti, ‘U Mwene, u Chala uwa banyenya binyu nu Chala uwa Abulahamu nu Chala uwa Yisaki sona nu Chala uwa Yakobo antuma pakasi papinyu.’ Ili lyo litabwa lyane bwila na bwila, sona inkulilo zyosi izya muntazi zikwiza pakulikumbukagha.

Yesaya 1:10

Mwee balongozi aba mu Sodomu, ivwa amazyu agha Mwene. Teghelezya indaghilo izya Chala witu, mwee bantu aba mu Gomola!

Yesaya 27:11

Nanti isamba zyache zyumila zikupyoka, sona abakolo bakuzitenya nukuzipela pakuba nkwi. Pakuti banaba bo bantu babo batakwivwa, po Umupeli wabo ate ni chililizi nabo, Umupeli wabo atakubapelela ichisa.

Yelemiya 18:23

Loli awe we Mwene, uzimenye zyosi zizyo bakubatika ukuti bangoghe. Utakabahobokelaye inongwa zyabo, pamo pakuzimya imbibi zyabo. Ubanangannye pamaso ghako, sona mubukalale bwako ubafunde.”

Daniyeli 6:7

Aswe twebosi poka twe balongozi na balaghili na makambala sona na balaghili twivwana ukuti ubike ululaghilo ulwakuti nanti umuntu yumo aghiwa akubiputa abachala abanji, pamo umuntu uyunji mumasiku 30 ghagho ghakwiza, ukwefyako awe wemwene asumbiwanje muchiliba icha nkalamu.

Amosi 9:7

U Mwene akuti, “Nkimba amwe te mwe ba Izilayeli, babo bayanite bulo na bantu aba ku Etiyopiya? Fwandi te nene nkabefyamo aba Izilayeli muchisu icha Ijiputi, naba Filisiti muchisu icha Kileti sona naba Siliya muchisu icha Kili?”

Aba Loma 9:6

Kute kokuti u Chala akapotwa pakukwanilisya ilayizyo lyache. Awe, pakuti bate ba Izilayeli bosi, babo bantu ba Chala.

Yakobo 2:13

Pakuti u Chala atakwiza pakulanjizya ichisa, bo akumulonga umuntu yuyo atakaba ni chisa. Loli umuntu wesi yuyo ali ni chisa atakwiza pakubunyila ubulongi ubwa Chala.