Masalimo 59:16 - IBAYIBOLO 2024

¹⁶ Loli nkwiza pakwimba nizyamaka ghako, sona pandabindabi nkwiza pakwimba nizya lughano lwako. Pakuti awe we lilinga lyane, sona buzilo bwane ubwakuvwamamo pakabalilo akantamyo.

Masalimo 59:16 Iomraidhean Croise

2 Samuweli 22:3

U Chala wane we lyalabwe lyane, yuyo nkuponelamo. U Mwene we ngulu yane, ni mpembe yane, iya bupoki bwane. U Mwene we lilinga lyane, mumo nkuponelamo, sona we mupoki wane, yuyo akumpoka munyobe izya bantu ababibi.

Yobu 15:23

Akwembelakwembela pakulonda ivyakulya sona azimenye ukuti isiku lyakufwila lili papipi nkani.

Yobu 37:23

Uwamaka Ghosi tutangamupalamila, pakuti mukulu, sona wamaka. Mubugholosu bwache atakubayivya abantu.

Masalimo 101:1

Wee Mwene, nkwiza pakwimba nizya lughano, sona nu bwanaloli, nkwiza pakukwimbila inyimbo izya mapalo.

Masalimo 106:8

Loli akabapoka pachifukwa icha itabwa lyache, ukuti amaka ghache amakulu nkani ghamanyikwe.

Masalimo 138:7

Napapo nkwenda muntamyo, ukubusungilila ubumi bwane. Ukugholosya inyobe yako pakubakanizya abalwani bane babo bankalaliye, sona inyobe yako indilo yikumpoka.

Masalimo 143:8

Pandabindabi posi unkumbusyanje nizya lughano lwako, lulo lutakupotwapo nalumolumo, pakuti nkusubiye wewe. Undanjizyanje izila iyakuti nendayemo, pakuti nkwiputa kukwako.

Masalimo 145:11

Bakwiza pakunena nizya buchindamu nu bumwene bwako, sona nizyamaka ghako,

Masalimo 21:13

Wee Mwene upaliwanje pachifukwa icha maka ghako, sona tukwiza pakukwimbilagha inyimbo izyakughapalizikizya amaka ghako.

Masalimo 30:5

Pakuti ubukali bwache bukubangako pakabalilo akapimpa bulo, loli ichisa chache cha bwila na bwila. Umuntu angachelezya pakulila, loli ubuhobosu bukwizagha po pandabindabi.

Masalimo 31:7

Nkwiza pakuhoboka nukusekela pachifukwa icha lughano lwako lulo lutakupotwa nalumolumo. Pakuti ukaghennya amayimba ghane sona ukakumanya ukutamiwa ukwa moyo wane.

Masalimo 36:5

Wee Mwene ulughano lwako lwafika mupaka kumwanya, sona ubusubiliwa bwako bope bwafika mumabingu.

Masalimo 4:1

Wee Chala wane umugholosu unyamule bo nkukwitizya. Unyavwe nanti nkukomana na mayimba, sona umpelelaye ichisa nukulwivwa ulwiputo lwane.

Masalimo 46:1

U Chala we wapakuvwama pitu, sona we maka ghitu, yuyo iyanizye pakutwavwa pakabalilo akantamyo.

Masalimo 5:3

Wee Mwene wane, pandabindabi ukwivwa izyu lyane, sona pandabindabi nkukubuzya vivyo nkuvilonda, po nkulindilila ukuti unyamule.

Masalimo 77:2

Bo indi muntamyo nkamulondelezya u Mwene, pabusiku intakalita pakukwezya inyobe zyane ghope umoyo wane ghutakalonda pakusangalusiwa.

Masalimo 86:13

Pakuti ulughano lwako papane lukulu nkani. Waghupoka umuzimu wane kubuzilo ubwibizu ubwa bafwe.

Masalimo 88:13

Wee Mwene nkulila kukwako, pandabindabi nkukwiputa.

Masalimo 89:1

Nimbaye ulughano ulukulu nkani ulwa Mwene bwila na bwila, Nu mulomo wane ifumusyanje ubusubiliwa bwako ukuti bumanyikwanje ku nkulilo zyosi.

Ukufuma 15:6

Wee Mwene, inyobe yako indilo, yamaka nkani, yabatizannya abalwani.

Yelemiya 30:7

Mwee, isiku ili likulu nkani! Litalipo isiku ilinji lilyo liyanite nalyo. Kakwiza pakuba kabalilo akantamyo kwa Yakobo, loli pope bulo akwiza pakupona.”

Aba Loma 15:9

umwakuti na bantu babo bate ba Yuda bope bamuchindikaye u Chala pachifukwa icha chisa chache ukuyana na Masimbo aghakuti, “Pachifukwa chinichi nkwiza pakukuchindika pakasi pabantu babo bate ba Yuda. Nkwiza pakwimba inyimbo izyakulipala itabwa lyako.”

2 Aba Kolinti 1:10

Umwene akatupoka kubufwe ubwakoghofya ubu, po akwiza pakutupoka. Twabika ulusubilo lwitu mumwache ukuti akwiza pakutupoka sona,

Aba Efeso 3:20

Ubuchindamu bubanje kwa Chala, yuyo na maka ghache, ghagho ghali pambombo mumwitu angabomba ivintu ivyinji vivyo vitakubelengiwa nukuchila vivyo tungalaba pamo ukuvyinong'ona.

Aba Hebeli 5:7

Mumasiku agha bumi bwache muchisu ichapasi, u Yesu akiputa nukulambilizya kwa Chala umwakukolomoka ukukulu nkani, sona na masozi pakumulilila yuyo angamupoka kubufwe. U Chala akamwivwa pachifukwa ichakwiyisya nukwiyipa kwache.

1 Samuweli 17:37

U Mwene yuyo akampoka ku nkalamu naku balabwe, akwiza pakumpoka munyobe izya mu Filisiti yunuyu.” Po u Sabuli akamubuzya u Devedi akati, “Bukagha, u Mwene abanje nawe.”