Masalimo 58:4 - IBAYIBOLO 2024

⁴ Bali ni nsalile ngati nsalile izya njoka, sona ngati we chipili uwa mapuli,

Masalimo 58:4 Iomraidhean Croise

Ubwandilo 3:2

Umukolo yula akamula akati, “Tungalyanga ivikomwa ivya makwi ghosi agha mumughunda ughu.

Ubwandilo 8:21

Bo u Mwene anusya umunusi umwiza ghula akati, “Ntakwiza pakuchighuna sona ichisu ichapasi pachifukwa icha zizyo abantu bakubomba, pakuti inzimenye ukuti inyinong'ono izya muntu umubibi zikwandila kubwana bwache. Ntakwiza sona pakuvizimizya ivintu vyosi ivyabumi ukuyana namumo nabombela.

Yobu 20:14

loli ivyakulya vikwiza pakuba vyakubaba mulwanda lwache; vikwiza pakuba ngati nsalile zya chipili mulwanda lwache.

Yobu 20:16

Akwiza pakonka ubwanga ubwa njoka po ubwanga ubwa chipili bukwiza pakumughogha.

Masalimo 140:3

Bakupyasya indimi zyabo ukuti zibanje ngati zya njoka, mumulomo wabo muli ubwanga ubwa bachipili.

Masalimo 51:7

Unswefye ni chisilo, po nkwiza pakuswepa naloli, sona unyosyanje, po nkwiza pakuswepa ngati we kabefu.

Umulumbilili 10:11

Chite ni mbombo nayimoyimo pakuyangalila injoka, nanti injoka yila yamulumite kale umuntu yulayula.

Yesaya 11:8

Ubonda akwiza pakwangalagha papipi ni chiliba icha swila, umwana umunandi akwiza pakubika inyobe yache muchivulumbo icha chipili.

Yelemiya 8:17

U Mwene akuti, “Ennya nkwiza pakubatumila injoka pakasi papinyu, abachipili babo atalipo nayumoyumo yuyo angabafunga, sona bakwiza pakubaluma. Ane ne Mwene nanena.”

Matayi 23:33

“Mwe njoka, abana aba chipili! Nkimba po mungapona bulibuli ukufundiwa mu Gehena?

Matayi 3:7

U Yohani akabennya aba Falisayi naba Sadukayi abinji bakwiza kukwache ukuti boziwe. Po akababuzya akati, “Amwe mwe bana aba njoka! Nkimba wewenu abasokite pakuluchimbila ulufundo ulwa Chala lulo lukwiza?

Aba Loma 3:13

Amamilo ghabo ghasamite ngati gho mapumpa, indimi zyabo zyizuye nu buzimbuli. Amazyu aghakoghofya ghagho ghakufuma mumalomo ghabo ghayanite bulo nubwanga ubwa bachipili.

Ukukumbusya Amalamulo 32:33

Uvinyo wabo ayanite bulo nu bwanga ubwa njoka, sona ayanite bulo nu bwanga ubwa chipili.

Yakobo 3:8

Loli nayumo umuntu yuyo alutekitepo lumo ululimi. Ululimi lubibi, lutamenye ukutuzya, sona lwizuye ni vintu ivyakughogha ngati gho mwavi.