Masalimo 56:7 - IBAYIBOLO 2024

⁷ Ubafunde pachifukwa icha ububibi bwabo, Wee Chala, ubanangannye nu bukali bwako abantu aba inko izinji!

Masalimo 56:7 Iomraidhean Croise

Masalimo 36:12

Ennya mumo abantu ababibi bawiliye pasi, sona balambalaye bulo, umwakuti batanganyamuka.

Masalimo 37:32

Abantu ababibi bakubavwamilila abagholosu, pakubulondelezya ubumi bwabo.

Masalimo 49:6

Abantu banaba basubiye bulo ubukabi bwabo, sona bakwituvya pachifukwa icha bwinji ubwa bukabi bwabo.

Masalimo 55:15

Ubufwe bubachenusyanje bulo abamanyani bane, sona binjilaye mwipumpa lubilolubilo, pakuti ububibi bukuwagha umuvundo pakasi papabo.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Masalimo 55:9

Wee Mwene ubavulungannye abantu ababibi, pakuti nkwennya ivyongo nu buvulungane mukaya akakulu nkani.

Masalimo 59:4

Ntanangitepo nachimochimo, loli bakulonda pakulwa nane ubwite. Vundumuka unyavwe, sona zagha wennye vivyo vikubombiwa.

Umulumbilili 8:8

Umuntu ate nu bulaghili pa mpepo, po umwakuyana bulo atalipo nayumoyumo yuyo ali nu bulaghili pisiku ilyakufwila kwache. Umuntu atangabuchimbila ubwite, umwakuyana bulo ububibi butakwiza pakubalekelezya babo bakububomba.

Yesaya 28:15

Mukwituvya mukuti, “Aswe twafinga ulufingo nubufwe, sona twivwana nipumpa, Bo ulufundo ulwakoghofya lukwenda, lutakatupalamasyanje, pakuti twabupela umbumyasi pakuba chakuponelamo, sona bope ubuzimbuli pakuba chakuvwamilamo.”

Yelemiya 10:25

Pungulila ubukali bwako pa inko zizyo zitakumenye, pabantu babo batakukwiputa. Pakuti bamulya u Yakobo, bamulya nukumumalizya, sona bakanangannya akaya kache nukukapela pakuba nkolongo.

Yelemiya 7:10

Po pakwimilila pamaso papane munyumba yiniyi, yiyo yili Mwitabwa lyane, nukunena ukuti, “Aswe twapona,” loli mukwendelela pakubomba ivintu ivinyazu.

Habakuku 1:13

Amaso ghako mazelu nkani pakubwennya ububibi, sona utakwitikizya ukunanga. Nkimba choni chicho ukubitikizya abantu abakusambuka ukuti babombaye bulo ububibi? Nkimba choni chicho ukuba bulo myee, bo abantu ababibi bakubamila abagholosu ukubachila abene?