Masalimo 56:6 - IBAYIBOLO 2024

⁶ Bakubungana nukunvwamilila, sona bakwennya vyosi vivyo nkuvibomba ukuti bangoghe.

Masalimo 56:6 Iomraidhean Croise

Yobu 14:16

Po naloli ukwiza pakubelenga amamita ghane, loli utakwiza pakuzilondelezya imbibi zyane.

Yobu 16:10

Abantu bakwighula amalomo ghabo pakunyobezya nukunsamula pakunkoma kwisaya, nukubungana poka pakususannya nane.

Yobu 31:4

Nkimba atakuzyennya izila zyane nukughabelenga amatamba ghane ghosi?

Masalimo 140:2

Akabalilo kosi bakubatika bulo pakumbombela ivibibi, akabalilo kosi bakwandizya ivyongo.

Masalimo 37:32

Abantu ababibi bakubavwamilila abagholosu, pakubulondelezya ubumi bwabo.

Masalimo 57:6

Bakutegha ichilepa ukuti bandeme, umoyo wane ghukuyimba nkani. Bakakumba ichiliba muzila yane, loli bawilamo bene muchibwina chilachila.

Masalimo 59:3

Wee Mwene, ennya namumo bamvwamililiye ukuti bangoghe, abantu abakoghofya bakunvwimavwima, Wee Mwene napapo inte ninongwa pamo ukubanangila chimo.

Masalimo 71:10

Pakuti abalwani bane bakulonda pakungogha, bope abantu babo bakulonda pakungogha, bakwivwana ichakubomba.

Masalimo 89:51

Wee Mwene, Intuko zizyo abalwani bane bakunsamula nazyo, bakumusala umupakiwa wako posi papo akwenda.

Ivyili 24:15

Utakavwamililaye kuzi ukwa nyumba iya muntu umugholosu ngati po we livyondongo, sona utakabombaye ichibibi pakaya kache.

Yesaya 54:15

Nanti weka akulwana nawe, bo tenene nazibomba, wesi yuyo akulwana namwe ukwiza pakumupota.

Yelemiya 20:10

Nkubivwa abinji bakuteketa bakuti, “Ukoghofya kuli imbazu zyosi! Mumulongelele! Zagha tumulongelele!” Na bamanyani bane bosi bakulindilila ukuti ingwilemo bakuti, “Lumo angazimbuliwa, po tungamulema nukumutanizya ububibi.”

Daniyeli 6:4

Pachifukwa chinichi amakambala na balongozi bala bakanda pakumulondelezya ivifukwa u Daniyeli nizya mumo akalongozezya ichisu chila, loli bakapotwa. Batakamwaghapo ni chifukwa icha mabeko, pakuti akaba musubiliwa, akaghabenga nkani amabeko, sona atakabombaghapo chimo ichibibi.

Matayi 26:57

Abantu babo bakamulema u Yesu bakabuka nawe kunyumba iya Kayafa, umuputi usongo. Kulakula abamanyisi aba Ndaghilo na balongozi aba Chiyuda bakabungana poka.

Matayi 27:1

Pandabindabi nkani abaputi abasongo bosi na balongozi aba Chiyuda bakivwana ukuti bamughoghe u Yesu.

Luka 20:20

Po bakalonda akabalilo akiza. Bakababeka abatendezi bamo ukuti baboneke banaloli nukubatuma ukuti bamuteghe u Yesu na malalusyo, ukuti bamubike munyobe izya mulaghili uwa Chiloma.