Masalimo 55:5 - IBAYIBOLO 2024

⁵ Ubogha nukutetema vyandema, vyope ivyakoghofya vyintenguye.

Masalimo 55:5 Iomraidhean Croise

2 Samuweli 15:14

Po u Devedi akaghabuzya amakambala ghache ghosi ghagho ghakaba mu Yelusalemu akati, “Zagha, tuchimbile, lumo nayumoyumo pakasi papitu yuyo akwiza pakupona. Lubilo, zagha tumuchimbile u Abisalomu, lumo angiza umwalubilolubilo nukulwa naswe ubwite nukutughogha twebosi mukaya akakulu aka.”

Yobu 21:6

Bo nkwinong'ona zinizi, ubogha bukundema, sona nkutetema nkani.

Yobu 6:4

Utulasilo utwa Wamaka Ghosi tuli pakundasa, umuzimu wane ghukung'wela isalile izya tulasilo tulatula. Ivyakoghofya ivya Chala vinzyungiliye.

Masalimo 119:120

Umubili wane ghukutetema, pachifukwa icha kukunyila, po nkunyila ubulongi bwako.

Masalimo 18:6

Bo indi mumayimba, nkamwitizya u Mwene, sona nkamulililagha u Chala wane ukuti anyavwe. Akanyivwanga bo ali mu Nyumba yache, sona ukulila kwane kukivwikagha mumakutu ghache.

Masalimo 42:6

Umoyo wane ghukutamiwa, polelo nkwiza pakukukumbuka, bo indi muchisu icha Yolodani, sona bo indi pighamba ilya Helimoni nilya Mizali.

Masalimo 61:2

Nkukwitizya bo indikubumalilo ubwa chisu ichapasi, sona bo umoyo wane ghukutamiwa nkani. Po undongozezye kwilyalabwe itali nkani ukunchila.

Yesaya 21:4

Umoyo wane wavulungana, ubogha bwampelela ukutetema, akabalilo akachamabwila, kako nkakanyonywanga kaba chakoghofya chane.

Ezekiyeli 7:18

Bakwiza pakuvwala amasaka, sona ubogha bukwiza pakubalema. Ivyeni vyabo vikwiza pakuba ni soni, sona bakwiza pakumwa isisi kumitu yabo.

Luka 22:44

U Yesu akayimba nkani mumoyo wache nukwiputa umwakufikapo. Amafuku ghache ghakatonyela pasi ngati lyo libanda.