Masalimo 55:23 - IBAYIBOLO 2024

²³ Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Masalimo 55:23 Iomraidhean Croise

2 Samuweli 3:27

Bo u Abinala anyokela ku Hebuloni, u Yowabu akamusendela papipi nu mulyango uwa kaya kala ngati po akulonda pakunenezannya nawe kubusyefu. Po kulakula akamughogha ukutanizya ubufwe ubwa wamwabo u Asaheli. U Yowabu akamulasa palwanda, po akafwa.

Yobu 15:32

Akwiza pakufoka bo na kabalilo kache kachili katakwanite sona isamba zyache zitakwiza pakulemba sona.

Masalimo 112:6

Naloli atakwiza pakuyingana nalumolumo, umuntu umugholosu atakuluviwapo nalumo.

Masalimo 121:3

Atakwiza pakwitikizya ulwayo lwako ukuti lutyelemukaye, yuyo akukusungilila atakusyupilagha.

Masalimo 25:2

Wee Chala wane nkusubiye wewe. Utakitikizyanje ukuti nkoziwanje isoni, pamo ukubitikizya abalwani bane ukuti bampotaye.

Masalimo 5:6

Ukubanangannya bosi babo bakunena ubumyasi, sona u Mwene ababengite abaghoghi na bazimbuli.

Masalimo 58:9

Bo isonta zyinyu zichili pakutukila nu butukizu ubwa inkwi izya mivwa, manyi mbisi, manyi zyumiye, abantu ababibi bakwiza pakuzimila.

Masalimo 66:9

Pakuti abusungilila ubumi bwitu sona atakitikizya ukuti inyayo zyitu zyityelemuke.

Masalimo 73:18

Naloli wababika pabutyelemuke, po ukubawisya mupaka bananganike.

Ivyili 10:27

Ukumunyila u Mwene kukonjelezya ubumi ubutali, loli amaka agha muntu umubibi ghakuba mapimpa.

Ivyili 15:11

Nanti ubufwe nukunanganika vili pabuzelu bulo pamaso pa Mwene, po zingaba bulibuli nu moyo uwa muntu?

Ivyili 27:20

Ubufwe ni pumpa vitakwikutisiwa, umwakuyana bulo ghope amaso ghatakwikutisiwamo.

Umulumbilili 7:17

Utakabanje we mubibi nkani pamo we mupunganu. Nkimba choni chicho ufwanje bo akabalilo kako katakwanite?

Yesaya 38:17

Ichifukwa chicho nkivwanga ububavu chakuti, nivwanje akiza. Pakuti wampoka kubufwe, nukuhobokela imbibi zyane zyosi.