Masalimo 55:22 - IBAYIBOLO 2024

²² Mupe u Mwene intamyo zyako, po akwiza pakukusunga, pakuti atakwitikizya nalumolumo ukuti abantu bache abagholosu bawanje.

Masalimo 55:22 Iomraidhean Croise

Masalimo 12:3

U Mwene ayighalilaye imilomo yosi imichevu sona nu lulimi losi ulwakwitutumula.

Masalimo 121:3

Atakwiza pakwitikizya ulwayo lwako ukuti lutyelemukaye, yuyo akukusungilila atakusyupilagha.

Masalimo 16:8

Nkamwennyanga akabalilo kosi u Mwene pamaso papane, pakuti ali kunyobe yane indilo, po ntakwiza pakuyingana.

Masalimo 27:14

Umusubilaye u Mwene. Banga na maka sona ujimbaye, umusubilaye u Mwene.

Masalimo 37:24

Napapo angipunula, atakwiza pakuwa pakuti u Mwene akumulema ni nyobe yache.

Masalimo 37:5

Ibika wemwene munyobe izya Mwene, umusubile yuyo, po akwiza pakukwavwa.

Masalimo 62:2

Wee lyalabwe lyane nu bupoki bwane, sona we lilinga lyane, po ntakwiza pakuyingana nalumolumo.

Masalimo 62:6

U Mwene we lyalabwe lyane, sona we bupoki bwane, we lilinga lyane, po ntakwiza pakuyingana.

Masalimo 62:8

Mwebaya mumusubilaye akabalilo kosi, mumubuzyanje intamyo zyinyu zyosi, pakuti u Chala we buzilo bwitu ubwakuvwamilamo.

Masalimo 63:8

Umoyo wane ghukukakatiye, sona inyobe yako indilo yikunsungilila.

Masalimo 64:4

Bakubavwamilila abantu babo bate ninongwa nukubalasa, bakubalasa lubilolubilo umwakusita ubogha bosi.

Yesaya 50:10

Nkimba wewenu pakasi papinyu akumunyila u Mwene nukughivwila amazyu agha mubombi wache? Muleka yuyo akwenda muchisi, yuyo ate nulukozyo, akusubila itabwa ilya Mwene, sona amusubiye u Chala wache.

Yelemiya 9:7

Polelo u Mwene Uwamaka Ghosi akuti, “Ennya, nkwiza pakubasekesa nukubayela, pakuti chitalipo nachimochimo chicho ningababombela abantu bane, pachifukwa icha mbibi zyabo.

Matayi 11:28

“Zagha kukwane, mwebosi mwe mulitite nukung'wamilwa nintamyo, po nkwiza pakubapa ubutuzyo.

Matayi 6:25

“Polelo nkubabuzya ukuti mutakapasyanje nizya bumi bwinyu ukuti mukwiza pakulya ichoni, pamo mukwiza pakung'wela ichoni, pamo nizya mabili ghinyu, ukuti mukwiza pakuvwala ichoni. Nkimba ubumi bute bwapamwanya ukuchila ichakulya? Nkimba umubili ghute wapamwanya ukuchila amenda?

Luka 12:22

Po u Yesu akababuzya abamanyili bache akati, “Nkubabuzya ukuti mutakapasyanje nizya bumi bwinyu ukuti mukwiza pakulya ichoni, pamo mukwiza pakuvwala ichoni.

1 Pitala 1:5

Po u Chala mumaka ghache akubasunga, amwe mwe mukumusubila ukuti mupokele ubupoki, bubo ayannya pakubavumbulila pisiku ilyabumalilo.

1 Pitala 5:7

Mumutulile ukupasya kwinyu kosi, pakuti akubapasikizya amwe.

1 Samuweli 2:9

Akwiza pakuzizighilila inyayo izya bantu bache abasubiliwa. Loli abantu ababibi bakwiza pakuba bulo myee muchisi. “Umuntu atangapota na maka aghache na ghache.