Masalimo 55:19 - IBAYIBOLO 2024

¹⁹ U Chala yuyo ikaye pachitengo icha bumwene bwila na bwila akwiza pakubivwa nukubafunda. Pakuti bakukana pakwanduka, po batakumunyila.

Masalimo 55:19 Iomraidhean Croise

Masalimo 143:12

Pachifukwa icha lughano lwako, lulo lutakupotwapo nalumolumo. Ubazimizyanje abalwani bane. Ubanangannye bosi babo bakumbenga, pachifukwa ichakuti ne mubombi wako.

Masalimo 65:5

Wee Chala Umupoki witu, ukutwamula pakutupoka ni mbombo zyako izyakuswighisya ingolosu. Abantu bosi aba pachisu ichapasi aba pisila ilya nyanja izya kubutali bakukusubila.

Masalimo 78:59

Bo u Chala abivwa, akakalala nkani, po akabakana aba Izilayeli.

Ivyili 1:32

Pakuti abapunganu bakunangika pachifukwa ichakuti bakunkana, sona bakwighogha bene pachifukwa icha mituvyo ghabo.

Umulumbilili 8:11

Nanti bakukaba pakudumula inongwa iya bughoghi, amoyo agha bantu ghakubatika pakubomba ububibi.

Yesaya 36:20

Nkimba chala wenu pakasi pabachala bosi yuyo achipokitepo lumo ichisu munyobe yane? Po nkimba u Mwene angamupoka bulibuli u Yelusalemu munyobe yane?”

Yelemiya 48:11

U Mwene akuti, “U Mowabu ame pamutende ukwanda pabulumendo bwache, ngati bwalwa bubo butikaye nkani mumasika ghache, bubo butapunguliwe musonta yimo nukwinjila musonta iyinji, atabukiteko kubuzya. Po inkalo yache yili ngati mumo yikabela, sona umunusi wache ghuli ngati mumo ghukabela.

Mika 5:2

U Mwene akuti, “Wee Betelehemu Efulati, napapo we munandi pakasi pa luko ulwa Yuda, mumwako mukwiza pakufumamo weka yuyo akwiza pakuba mulaghili uwa Izilayeli, ichifumo chache chakale, ichamasiku aghakale nkani.”

Zefaniya 1:12

“Pakabalilo kalakala, nkwiza pakumulondelezya u Yelusalemu ni nyale nukubafunda babo bakwituvya, sona abantu babo bali navyo vyosi nukwisubila. U Mwene anena. “Abantu banaba bakwinong'ona ukuti, ‘U Mwene atakwiza pakubombapo chimo, ichiza pamo ichibibi.’

Ukukumbusya Amalamulo 33:27

U Chala uwa bwila na bwila bo buponelo bwinyu sona pasi pachisu ko akubasungilila bwila na bwila. Akabachimbizya abalwani binyu pamaso papinyu, nukubabuzya ukuti, ‘Mubanangannye bosi.’

Aba Kolosi 1:17

U Kilisitu akabako kale, bo ni vintu vyosi vinivi vitaliko, sona ukwendela mumwache ivintu vyosi vinivi vikumamatilana poka.