Masalimo 55:18 - IBAYIBOLO 2024

¹⁸ Akwiza pakubupoka ubumi bwane kubwite, bubo nkwiza pakulwa na balwani bane, napapo abakunsusya binji nkani.

Masalimo 55:18 Iomraidhean Croise

2 Samuweli 18:28

Po u Ahimazi akakolomoka nukumubuzya u mwene ukuti, “Kwiza bulo!” Akafughama pamaso pa mwene, bo icheni chache chikotamiye pasi nukuti, “U Mwene u Chala wako apaliwanje, yuyo ababika munyobe zyako abantu babo bakakusambukila awe we mwene wane.”

2 Samuweli 22:1

U Devedi akamwimbila u Mwene ulwimbo pisiku lilyo u Mwene akamupoka munyobe izya Sabuli, sona na munyobe izya balwani bache ulwakuti,

2 Abamwene 6:16

U Elisha akamwamula akati, “Utakanyilaye, pakuti babo bali kulubazu lwitu binji nkani ukubachila babo bali kulubazu lwabo.”

Masalimo 17:1

Wee Mwene teghelezya, bo nkulaba, sona ivwa ukulila kwane! Ivwa ulwiputo lwane lulo lukufuma mumulomo uwanaloli.

Masalimo 56:2

Isiku lyosi abakunyobezya bakunchimbizya, sona babo bakulwa nane binji nkani.

Masalimo 57:3

Akutuma ubwavwilizi bwache kumwanya nukumpoka, po akwiza pakubakozya isoni babo bakanjivya. U Chala akwiza pakungana pachifukwa ichakuti musubiliwa.

Nkuto 3:56

Ukivwa ukulambilizya kwane bo nkuti, ‘Utakampanje inkonto, bo nkulaba ukuti unyavwe.’

Matayi 26:53

Nkimba mutazimenye ukuti ningalaba kwa Tata ukuti anyavwe, po umwalubilolubilo ngali antumila utubukatila utwa abantumi ukuchila 12?

1 Yohani 4:4

Loli amwe mwe bana bane, mwe bache ba Chala sona mwabapota abalaghuzi abamyasi bala, pachifukwa ichakuti u Muzimu yuyo ali mumwinyu wamaka nkani ukuchila yuyo ali muchisu ichapasi.