Masalimo 55:10 - IBAYIBOLO 2024

¹⁰ Umusanya nu busiku bakuzyungulilazyungulila ulubumba lwache. Sona mukaya akakulu nkani muli ukulwa nintamyo.

Masalimo 55:10 Iomraidhean Croise

2 Samuweli 15:31

U Devedi akabuziwa ukuti, “U Ahitofeli ali pakasi pabantu abakusambukila bala poka nu Abisalomu.” Po u Devedi akiputa akati, “Wee Mwene ughapele amahala agha Ahitofeli ukuti ghabe mapunganu.”

Masalimo 58:3

Abantu ababibi bakusobela ukwandila bo bachili bali mulwanda, sona abantu abamyasi bakusobela ukwanda pisiku ilya kupapiwa kwabo.

Masalimo 59:6

Bakubwelako pachamabwila, bakubwata ngati zyo mbwa, sona bakwendakwenda mukaya akakulu nkani.

Ezekiyeli 9:4

Akamubuzya akati, “Buka mukaya akakulu nkani mosi mu Yelusalemu nukubikapo ichimanyilo pavyeni vyabo bosi babo bali nichitima nukulila, pachifukwa icha vintu ivyamwiko vivyo vikubombiwa mulamula.”

Hoseya 7:6

Amoyo ghabo ghakocha ngati muvuno, sona bakupalamila kukwache umwabuzimbuli. Ubukali bwabo bukwaka panandipanandi busiku bosi, sona pandabindabi bukwaka ngati moto.

Habakuku 1:3

Nkimba choni chicho ukumpela ukuti nennyanje ububibi bunubu? Nkimba choni chicho ukwitikizya ukuti abantu bambombaye ububibi? Nkukomana nintamyo, sona nukunanganika pamaso papane, posi na posi abantu bakulwa nukudalinkana.

Yohani 18:28

Pandabindabi nkani, u Yesu akasendiwa munyumba iya Kayafa nukubuka nawe kunyumba iya mwimilili uwa chigaba. Abalaghili aba Chiyuda batakinjila mukasi pakuti batakalondagha ukwinyazya, umwakuti bangasekelela nabo Ulusekelo ulwa Pasa.

Yohani 18:3

U Yudasi akabuka ku mughunda kula poka na kabukatila aka basilikali ababwite aba Chiloma na balindilili aba Nyumba iya Chala, babo bakatumiwa na baputi abasongo naba Falisayi. Bakasenda ivilwilo, inyale ni vikoka.

Imbombo 9:24

loli bakamubuzya u Sabuli nizya lubatiko lwabo. Pamusanya na pabusiku bakalindililagha mumilyango iya lupaso uwa kaya akakulu nkani ukuti bamughoghe u Sabuli.

1 Samuweli 19:11

Ubusiku bulabula u Sabuli akabatuma abantu kunyumba iya Devedi nukumuvwamilila pandabindabi. Loli umuchi u Mikali akamusoka u Devedi akati, “Nanti utakuchimbila ubusiku ubu, indabi ukwiza pakufwa.”