Masalimo 54:4 - IBAYIBOLO 2024

⁴ Naloli u Chala we mwavwilizi wane, sona u Mwene musungilili wane.

Masalimo 54:4 Iomraidhean Croise

1 Imbili 12:18

Po Umuzimu uwa Chala akamwikila u Amasayi, usongo nkani uwa bantu 30 bala, po akati, “Wee Devedi, aswe twe bantu bako! Aswe tuli kulubazu lwako, wee mwana uwa Yese! Tukukulondela ivyiza vyosi, sona ivintu vibendelaye akiza abantu bako babo bakukwavwa. Pakuti u Chala umwenecho akwiza pakukwavwa.” Po u Devedi akabapokela ni nyobe zyosi zibili nukubabika pakuba balongozi aba tubukatila utwa basilikali bache.

Masalimo 118:13

Bakansunkilizya, umwakuti nkaba papipi pakuwa, loli u Mwene akanyavwa.

Masalimo 17:1

Wee Mwene teghelezya, bo nkulaba, sona ivwa ukulila kwane! Ivwa ulwiputo lwane lulo lukufuma mumulomo uwanaloli.

Masalimo 41:12

Wanvighililagha pachifukwa icha busubiliwa bwane, sona wambikagha pamaso papako bwila na bwila.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 42:1

U Mwene akuti, “Ennya umubombi wane yuyo nkumupa amaka, yuyo namusala sona nkuhoboka nawe, nkwiza pakubika u Muzimu wane papache, sona akwiza pakuzilongela inko zyosi mubwanaloli.

Aba Loma 8:31

Muvyosi vinivi, po nkimba tungati choni? Nanti u Chala ali kulubazu lwitu, wewenu angatususya?

Aba Hebeli 13:6

Po zagha tunene nu bujivu ukuti, “U Mwene we mwavwilizi wane, po ntakwiza pakunyila. Nkimba umuntu angabomba choni nane?”