Masalimo 53:6 - IBAYIBOLO 2024

⁶ Mwee nalondagha nkani ngali ubupoki ubwa Izilayeli bukufumila ku Ziyoni! Bo u Chala akubapela abantu bache, ukuti ivintu vibendelaye sona akiza, u Yakobo asekelaye, sona wepe u Izilayeli ahobokaye.

Masalimo 53:6 Iomraidhean Croise

Ezila 3:11

Bakimbagha inyimbo izyakumupala nukumupalizya u Mwene bakatinji, “U Mwene mwiza, sona ulughano lwache paba Izilayeli lwa bwila na bwila.” Po abantu bosi bakakolomoka nkani pakumupala u Mwene, pachifukwa ichakuti imbombo iyakwala ulwalo ulwa Nyumba iya Mwene yikanda.

Nehemiya 12:43

Pisiku lilalila abantu bakabika ivyakwiyipa ivyinji nkani, pachifukwa ichakuti u Chala weyuyo akabapela ukuti bahobokaye. Abakolo na bana bope bakahoboka nkani, umwakuti ichongo icha kusekela ukwa bantu mu Yelusalemu chikivwikagha kubutali nkani.

Yobu 42:10

Bo u Yobu abiputila abamanyani bache, u Mwene akamonjelezyapo kabili ichuma ukuchila vivyo akaba navyo pabwandilo.

Masalimo 14:7

Mwee nalondagha nkani, ngali ubupoki ubwa Izilayeli bukufumila ku Ziyoni! Bo u Mwene akubapela abantu bache, ukuti ivintu vibendelaye sona akiza, u Yakobo asekelaye, sona wepe u Izilayeli ahobokaye!

Masalimo 50:2

U Chala akulama bo ikaye mu Ziyoni, akaya akakuboneka akiza nkani.

Masalimo 85:1

Wee Mwene ukachipelela ichisa ichisu chako, ukamunyosekezya u Yakobo ubwiza.

Ivyili 28:1

Umuntu umubibi akuchimbila mwene bo nayumoyumo akumuchimbizya, loli umugholosu akubanga mujivu ngati nkalamu.

Yesaya 12:6

Mwee bantu aba mu Ziyoni kolomokagha nukwimba umwakughoboka! Pakuti Umuzelu uwa Izilayeli weyuyo mukulu, pakasi papinyu.”

Yesaya 14:32

Nkimba tukwiza pakuzyamula bulibuli intumi izya luko lula? “U Mwene amwikazya u Ziyoni, mumayimba ghache, momumo abantu bakwiza pakubwaghilaghamo ubupoki.”

Yelemiya 30:18

U Mwene akuti, “Nkwiza pakubanyosekezya abamunyumba iya Yakobo kuchisu chabo, sona nukuba nichililizi pabuzilo bwache ubwakwikalapo, akaya akakulu nkani aka Yelusalemu kakwiza pakuzengiwa sona pa chisami, sona inyumba iya bumwene yikwiza pakuzengiwa pabuzilo bwache.

Yelemiya 31:23

U Mwene Uwamaka Ghosi, u Chala uwa Izilayeli akuti, “Bo nkubanyosezya sona abantu ubwabuke, abantu aba mu Yuda naba mutwaya twache utukulu bakwiza pakunena sona amazyu aghakuti, ‘U Mwene akusaye wee kaya akagholosu, sona wee lighamba izelu.’

Yoweli 3:1

U Mwene akuti, “Mumasiku ghalaghala, sona na pakabalilo kalakala, bo nkubanyosezya ubwiza abantu aba mu Yuda, na mu Yelusalemu,

Aba Levi 26:17

Nkwiza pakubapa inkonto, umwakuti abalwani binyu babapote, sona abantu babo bababengite bakwiza pakubalaghila. Mukwiza pakuchimbila, napapo nayumoyumo atabachimbizizye.”

Aba Levi 26:36

Abantu babo basyalako, nkwiza pakubapelela ubogha muvyisu ivya balwani babo, umwakuti bakwiza pakuchimbila bo bivwa umuswato. Bakwiza pakuchimbilagha ngati muntu yuyo akuchimbila ubwite, sona bakwiza pakuwanga pasi, pakusita nayumo umuntu uwakubachimbizya.

Amosi 9:14

Nkwiza pakubanyosya sona abantu bane kuchisu chabo. “Bakwiza pakutuzenga sona utwaya twabo utukulu nkani utwakunanganika nukwikala mulamula. Bakwiza pakubyala amampesya nukung'wela uvinyo wabo, bakwiza pakulima amaghunda, nukulya ivikomwa vyabo.