Masalimo 53:1 - IBAYIBOLO 2024

¹ Umupunganu akunena mumoyo wache akuti, “U Chala ataliko.” Abantu bosi banyonganu, imbombo zyabo mbibi. Atalipo nayumoyumo yuyo akubomba inyiza.

Masalimo 53:1 Iomraidhean Croise

1 Abamwene 12:26

U Yelobowamu akinong'onagha akati, “Losi ulu ubumwene bukwiza pakunyokela ku bamunyumba iya Devedi.

1 Abamwene 14:24

Pakabapo sona abanavuli babo bakabombagha ubwamalaya pabuzilo ubwapamwanya ubwakwiputilapo ivifwani muchisu chilachila. Abantu bakabomba ivintu ivyamwiko ivya inko zizyo u Mwene akazichimbizya pamaso paba Izilayeli.

Yobu 14:4

Nkimba wewenu yuyo angefyamo ichintu chicho chiswefiwe muchintu ichinyazu? Nayumoyumo!

Yobu 15:16

po zingaba bulibuli nu muntu yuyo munyazu sona mubibi, yuyo akung'wela ububibi ngati po mizi!

Masalimo 10:11

Akunena mwene akuti, “U Chala aluvizye, avwinkite icheni chache, sona atakwennya nalumo.”

Masalimo 10:13

Nkimba choni chicho umuntu umubibi akumusamula u Chala? Nkimba choni chicho akunena mwene ukuti, “Atakwiza pakunfunda?”

Masalimo 10:4

Umuntu uwamituvyo atakumulondelezya u Chala, sona akwinong'ona mumoyo wache ukuti u Chala ataliko.

Masalimo 10:6

Akunena mwene akuti, “Ane intangayingana nukuyingana. Akabalilo kosi nkwiza pakuhobokagha, sona intangakomana nintamyo.”

Masalimo 88:1

Wee Mwene, u Chala yuyo akumpoka, nkulila umusanya nu busiku.

Masalimo 92:6

Umuntu umusita mahala atakumanya, bope abapunganu batakwivwisya.

Ezekiyeli 16:47

Pope bulo utakakonka inkalo zyabo, nukubomba ivyamwiko, loli pakabalilo akapimpa bulo ukaba mubibi nkani ukubachila abene.

Ezekiyeli 16:51

“ ‘Wepe u Samaliya atakabombapo uhafu uwa mbibi zizyo wabomba. Wabomba ivyamwiko ukubachila abene nukubapela abawamwinyu babo pakuba bagholosu ukuchila awe ni mbibi zizyo wabomba.

Matayi 5:22

Loli ilelo nkubabuzya ukuti umuntu wesi yuyo amukalaliye umukamu wache akwiza pakulongiwa. Sona umuntu wesi yuyo akumunena umukamu wache ukuti, ‘Ute ni mbombo,’ akwiza pakulongiwa na balongi. Sona umuntu wesi yuyo akumunena umukamu wache ukuti, ‘Wee mupunganu,’ wepe bulo akwiza pakusumbiwa pamoto uwamu Gehena.

Luka 12:20

Loli u Chala akati, ‘Wee mupunganu awe! Ubusiku bunubu ubumi bwako bukwiza pakufyuliwa, po wewenu akwiza pakusunga ivintu vyako vyosi vinivi?’ ”

Aba Loma 1:21

Napapo bakamumanya u Chala, loli batakamuchindika, pamo ukumupalizya. Loli inyinong'ono zyabo zikaba zyamwalwe, sona amoyo ghabo ghakizula ni chisi.

Aba Loma 1:28

Pachifukwa ichakuti abantu bala bakamusula u Chala, po akabaleka ukuti bakonke inyinong'ono zyabo imbibi ukuti babombaye ivintu vivyo batabaghiye pakuvibomba.

Aba Efeso 5:12

Pakuti chakukozya nkani isoni pakunena ivintu vivyo bakubomba kubusyefu.

Ukukumbusya Amalamulo 12:31

Mutakamwiputaye u Mwene u Chala winyu ukuyana namumo abantu banaba bakubiputila abachala babo, pakuti nanti bakubiputa abachala babo bakubomba ivintu ivyamwiko vivyo u Mwene avibengite mupaka nukubocha numoto abana babo abalumendo na balindu ukuti chibanje chakwiyipa ku bachala babo.

1 Pitala 4:3

Pakuti kale mukatagha akabalilo kinyu pakubomba ivintu vivyo abantu abakuzi bakabombagha. Amwe mukabombagha ubwamalaya, ni vinyonywa nu bwaching'wela nu bupafu, sona nukwiputa ivifwani.