Masalimo 51:3 - IBAYIBOLO 2024

³ Pakuti ukunanga kwane nkumenye, sona imbibi zyane nazyaghannya.

Masalimo 51:3 Iomraidhean Croise

Nehemiya 9:2

Aba Izilayeli bakipaghula pakasi pa bayeni, po bakilata imbibi zyabo sona nukunanga ukwa banyenya babo.

Yobu 33:27

Po akwiza pamaso pabantu nukuti, “Ane nkananga pakubunyongannya ubugholosu, loli intakapokela chicho nkachilondagha.

Masalimo 32:5

Po nkwilata imbibi zyane kukwako, ntafisitepo ukunanga kwane pamaso papako. Nkati, “Nkwiza pakwilata ukunanga kwane kwa Mwene” po ukanhobokela imbibi zyane.

Masalimo 38:18

Nkwilata ukunanga kwane, sona imbibi zyane zikuntamya nkani.

Masalimo 40:12

Pakuti intamyo zizyo zitangabelengiwa zizyunguliye, imbibi zyane zyamila, po intangennya sona. Imbibi zyane nyinji nkani ngati sisi izya kumutu wane, sona amaka ghamalila.

Masalimo 41:5

Abalwani bane batakundondela ubwiza, po bakuti, “Nkimba akwiza pakufwa liyi umwakuti itabwa lyache lizimilaye?”

Ivyili 28:13

Umuntu yuyo akufisa imbibi zyache ivintu vitakumwendelagha akiza, loli yuyo akwilata imbimbi zyache nukuzileka akupokela ichisa.

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 59:12

Pakuti ububibi bwitu bwinji nkani pamaso ghako sona imbibi zyitu zikutusimikizizya aswe. Ububibi bwitu buchili buli naswe akabalilo kosi, sona tubumenye ububibi bwitu,

Yelemiya 3:25

Zagha tulambalale pasi bo tuli nisoni, sona ukwisamula kwitu kutuvwinke. Pakuti twamunangila u Mwene u Chala witu, aswe poka na banyenya bitu, ukwandila ko kubulumendo bwitu mupaka nilelo, sona twapotwa pakumwivwila u Mwene u Chala witu.”