Masalimo 51:19 - IBAYIBOLO 2024

¹⁹ Po vikwiza pakuba ivyakwiyipa ivigholosu, sona ivyakwiyipa vyosi ivyakocha vikwiza pakukuhobosya. Po bakwiza pakubika inkambaku pachighemo chako pakuba chakwiyipa.

Masalimo 51:19 Iomraidhean Croise

2 Abamwene 22:19

Pachifukwa ichakuti wapinduka, nukwiyisya wemwene pamaso pa Mwene, bo wivwa amazyu aghakususannya nakaya akakulu nkani kanaka, poka na bantu bache, ukuti kakwiza pakuba chisami, sona kakwiza pakughuniwa. Pakuti ukazepula inkazo yako nukulila pamaso papane, nane nivwa ulwiputo lwako. U Mwene anena.

Masalimo 118:27

U Mwene we Chala, sona atupiye ulukozyo. Anda pakusekela bo munyamuye isamba nukuchizyungulila ichighemo.

Masalimo 34:19

Umugholosu angaba nintamyo inyinji nkani, loli u Mwene akumupoka muntamyo zyosi zinizi.

Masalimo 4:5

Mubikaye ivyakwiyipa ivyenecho, sona mumusubilaye u Mwene.

Yesaya 57:15

Pakuti umu momumo akunenela uwa pamwanya, yuyo wakupaliwa yuyo akubangako bwila na bwila, itabwa lyache lizelu, “Nkwikala kumwanya nkani, sona na Mubuzilo Ubuzelu, sona nkwikala na bantu abakwiyisya mubuzimu, sona nukughunyamusya umuzimu uwa muntu uwakwiyisya, nukughunyamusya umoyo uwa muntu uwakuwa amaka.

Yesaya 66:2

Ivintu vyosi nene nkavipela, po vyosi vinivi vyane.” U Mwene anena “Loli umuntu yuyo nkumulonda, we muntu yuyo akwiyisya, yuyo apindukite nukuzileka imbibi zyache, sona yuyo akunyila nukughivwila amazyu ghane.

Malaki 3:3

Akwiza pakwikala pasi ngati wakusungunula nu wakuswefya u siliva, akwiza pakubaswefya aba Levi pakuba ngati we golide nu siliva. Po bakwiza pakuba bantu babo bakubika ivyabupi mubugholosu kwa Mwene.

Aba Loma 12:1

Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu.

Aba Efeso 5:2

Mubanje nu lughano ukuyana namumo u Kilisitu akatughanila nukwiyipa ubumi bwache pakuba chabupi ichakununkila, sona ni chakwiyipa ichakumuhobosya u Chala.