Masalimo 51:14 - IBAYIBOLO 2024

¹⁴ Wee Chala Umupoki wane, umpokaye munyobe izya bantu abaghoghi, po nkwiza pakukwimbila pachifukwa ichakuti we mugholosu.

Masalimo 51:14 Iomraidhean Croise

Ubwandilo 42:22

U Lubeni akati, “Nkimba intakababuzya ukuti mutakamuvulazye umwana uyu, loli mutakanteghelezya? Ennya ilelo tuli pakufundiwa pachifukwa icha libanda lyache.”

Ubwandilo 9:6

Pakuti umuntu akapeliwa muchifwani icha Chala, polelo umuntu wesi yuyo akumughogha umuntu uwamwabo, wepe akwiza pakughoghiwa.

2 Samuweli 12:9

Nkimba choni chicho waghasamula amazyu agha Mwene pakubomba ichintu ichibibi pamaso papache? Wamughogha nupanga u Uliya umu Hiti yula, nukumusenda umuchi wache pakuba muchi wako. Ukamughogha pakubombezya upanga uwa ba Amoni.

2 Samuweli 21:1

Pakabalilo aka mwene u Devedi, kukabako izala amaka matutu. U Devedi akamubuzikizya u Mwene. Po u Mwene akamubuzya akati, “U Sabuli na bamunyumba yache bali ninongwa iyakughogha, pakuti akabaghogha aba Gibeyoni.”

2 Samuweli 3:28

Bo u Devedi ivwa zinizi akati, “Ane poka na bantu bane tute ninongwa nayimoyimo pamaso pa Mwene pachifukwa icha kughoghiwa ukwa Abinala umwana uwa Neli.

Ezila 9:13

“Ivintu vivyo vyatuwila cho chifukwa icha mbibi nu bubibi bwitu ubukulu nkani. Loli wee Chala witu, watufunda panandi bulo ukuchila namumo zibeleye imbibi zyitu sona witikizya ukuti abantu bitu bamo basyaleko bumi.

Nehemiya 9:33

Awe wame we mugholosu bulo, napapo ivintu vyosi ivibibi vinivi vyatuwilagha. Awe wame we musubiliwa, loli aswe tukananga.

Masalimo 25:5

Undongozezye mubwanaloli bwako nukumanyisya, pakuti we Chala Umupoki wane, sona nkusubiye wewe isiku lyosi.

Masalimo 26:9

Utakanzimizyanje poka na babomba mbibi, pamo ukunangannya poka na baghoghi.

Masalimo 35:28

Po nkwiza pakulumbilila ubugholosu bwako nukukupala amasiku ghosi.

Masalimo 38:22

Wee Mwene Umupoki wane, zagha lubilolubilo pakunyavwa.

Masalimo 55:23

Loli wee Chala ukubasumbila muchiliba ichibizu abantu ababibi, po abaghoghi na bazimbuli bakuba bumi, napo we hafu uwa masiku ghabo. Loli ane, nkusubiye wewe.

Masalimo 68:20

U Chala witu we Chala yuyo akupoka, sona we Mwene Uwamaka Ghosi yuyo akutupoka kubufwe.

Masalimo 88:1

Wee Mwene, u Chala yuyo akumpoka, nkulila umusanya nu busiku.

Yesaya 12:2

U Chala we mupoki wane, nkwiza pakumusubila sona ntakwiza pakunyila. U Mwene, u Mwene we maka ghane, we bupoki bwane.”

Yesaya 45:17

Loli aba Izilayeli bakwiza pakupokiwa nu Mwene nu bupoki ubwa bwila na bwila, mutakwiza pakukoziwa isoni nalumolumo, pamo ukusamuliwa, ukwa bwila na bwila.

Ezekiyeli 33:8

Nanti nkumubuzya umuntu umubibi ukuti, ‘We muntu umubibi naloli ukwiza pakufwa,’ po waleka pakumusoka umubibi yula ukuti anyokeko kububibi bwache, umubibi yula akwiza pakufwila mumbibi zyache, po ukwiza pakuba ninongwa pachifukwa icha bufwe bwache.

Daniyeli 9:16

Wee Mwene, ukuyana ni mbombo zyako ingolosu, tonta umoyo sona efyako ubukali bwako pa Yelusalemu akaya kako akakulu nkani, sona ighamba lyako izelu. Imbibi zyitu sona nu bubibi ubwa banyenya bitu vyamupela u Yelusalemu na bantu bako pakuba chakusesya pakasi pabapalamani bitu bosi.

Daniyeli 9:7

“Wee Mwene, awe we mugholosu, loli ilelo tuli ni soni nkani. Abantu babo bakwikala muchisu icha Yuda, ni icha Yelusalemu sona na mu Izilayeli mosi, bosi aba papipi naba kubutali, sona na kuvyisu vyosi kuko ubanyapanizizye, pachifukwa ichakuti tute basubiliwa kukwako.

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Habakuku 3:18

Loli nkwiza pakusekela mwa Mwene, nkwiza pakuhoboka mwa Chala Umupoki wane.

Imbombo 18:6

Bo Aba Yuda bamususya nukumusamula, u Pabuli akabamula pakukung'unta ulufumbi munkazo yache nukubabuzya ukuti, “Nanti mwasobela lwinyu nu lwinyu! Yite nongwa yane. Ukwandila pakabalilo aka nkwiza pakubuka pakasi pabantu babo bate ba Yuda.”

Imbombo 20:26

Po naloli nkubabuzya amwe ilelo ukuti nanti umuntu yumo uwa amwe angasobela, ane nasukusula munyobe.

Aba Loma 10:3

Batazimenye mumo u Chala akubanenela abantu pakuba bagholosu pantazi papache, loli bakuyezya pakubika izila izinji, po batakwibikila bene izila yiyo u Chala akubanenela abantu pakuba bagholosu pantazi papache.