Masalimo 51:12 - IBAYIBOLO 2024

¹² Unyosekezye sona ubuhobosu ubwa bupoki bwako, sona umpanje umoyo uwakwivwila.

Masalimo 51:12 Iomraidhean Croise

Masalimo 119:133

Undongozye akendele kane, ukuyana nizyu lyako, utakitikizyanje ukuti imbibi yindamulaye.

Masalimo 13:5

Loli nkulusubila ulughano lwako lulo lutakumalapo nalumo, umoyo wane ghukusekela pachifukwa icha bupoki bwako.

Masalimo 17:5

Akabalilo kosi inyayo zyane zyakonkagha izila zyako, sona inyayo zyane zitatyelemukitepo.

Masalimo 19:13

Utakitikizyanje ukuti umubombi wako anangaye madinko bulo, sona utakitikizyanje ukuti imbibi zindaghilaye. Po nkwiza pakuba ne muntu yuyo ate ni chilema nachimochimo, sona yuyo atabuka kumbibi inkulu nkani.

Masalimo 21:1

Wee Mwene, u mwene akusekela pachifukwa icha maka ghako, akuhoboka nkani pachifukwa icha ubupoti bubo ukumupanga.

Masalimo 24:4

Kokuti muntu yuyo inyobe zyache swepu, sona umoyo wache ghope mugholosu. Yunuyu we muntu yuyo atakubikilako umoyo wache pavintu ivyabulo, pamo ukulapa ivyabumyasi.

Masalimo 35:9

Po umoyo wane ghukwiza pakuhoboka mwa Mwene sona ghukwiza pakusekela pachifukwa icha bupoki bwache.

Yesaya 41:10

Utakanyilaye, pakuti indi poka nawe, utakatetemaye pakuti ane ne Chala winyu. Nkwiza pakukupa amaka nukukwavwa, nkwiza pakukuvighilila ni nyobe yane indilo ingolosu.

Yesaya 49:13

Wee chisu icha kumwanya, sekelagha wee chisu ichapasi wimbaye inyimbo. Wee maghamba wimbaye! Pakuti u Mwene akubasangalusya abantu bache nukuba ni chililizi na babo bakuyimba.

Yesaya 61:10

Nkuhoboka nkani mwa Mwene, umuzimu wane ghukusekela mwa Chala wane. Pakuti anvwikite namenda agha bupoki, sona anvwika ubugholosu ngati nkazo, ngati we mwenesendwa, yuyo iyanizye namenda agha pasendwa, sona ngati mumo u mwenesendwa, akwiyannya nivyakwibonesekezya akiza ivya musingo.

Yelemiya 10:23

Wee Mwene, zizyo inzimenye zyakuti, ubumi bubo umuntu ali nabo te bwache napo panandi, umuntu atakwilongozyapo mwene.

Luka 1:47

umuzimu wane ghuhobokite, pachifukwa icha Chala Umupoki wane.

Aba Loma 14:4

Nkimba wewenu awe ukuti umulongaye uwambombo uwa yumo? We Mwene wache mwene yuyo angadumula nanti abomba akiza pamo apotwa. Po akwiza pakubomba akiza muntazi, pakuti u Mwene weyuyo amenye pakumupela ukuti abombaye akiza.

Aba Loma 8:15

Pakuti u Muzimu yuyo mukapokela ate wakuti abapele pakuba bazya pakunyila. Loli u Muzimu yula akubapela pakuba bana aba Chala, sona ukwendela mumaka ghache, aswe tukulila kwa Chala ukuti, “Tata, we Tata wane!”

2 Aba Kolinti 3:17

Losi ulu u Mwene we Muzimu, sona kuko kuli u Muzimu uwa Mwene, ko kuko kuli sona ubwabuke.

1 Pitala 1:5

Po u Chala mumaka ghache akubasunga, amwe mwe mukumusubila ukuti mupokele ubupoki, bubo ayannya pakubavumbulila pisiku ilyabumalilo.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.