Masalimo 51:1 - IBAYIBOLO 2024

¹ Wee Chala, umpelelaye ichisa, pachifukwa icha lughano lwako lulo lutakupotwapo nalumolumo. Zimya ukunanga kwane, pachifukwa icha chililizi chako.

Masalimo 51:1 Iomraidhean Croise

2 Samuweli 11:2

Isiku limo pachamabwila, u Devedi akanyamuka pachitala chache, nukwanda pakugholola ivinama muchipinda ichapamwanya icha nyumba yache iya bumwene. Bo ali palapala akamwennya umukolo yumo ali pakogha. Umukolo yula akabonekagha akiza nkani,

Nehemiya 4:5

Utakabahobokelaye ukunanga kwabo pamo ukuzimya imbibi zyabo, pakuti bipalaghulila ubukali bwako pamaso pa bazengi.”

Masalimo 106:45

Pachifukwa icha bantu bache, akalukumbuka ulufingo lwache, umwakuti akisya ubukali bwache pachifukwa icha lughano lwache ulukulu nkani.

Masalimo 106:7

Bo abanyenya bitu bali mu Ijiputi, batakinong'onelako ku vyika vyako. Batakakumbuka ukuti ukababombela ivintu ivyiza, po bakakusambukila pa Nyanja Inchesamu.

Masalimo 109:21

Loli awe wee Mwene Uwamaka Ghosi, umbombelaye inyiza, umwakuti indichindikaye itabwa lyako, umpoke pachifukwa icha lughano lwako ulwiza ulwa bwila na bwila.

Masalimo 119:124

Mbombela ne mubombi wako, ukuyana nu lughano lwako. Po manyisya indaghilo zyako.

Masalimo 145:9

U Mwene mwiza ku bantu bosi, sona ali ni chililizi pavipeliwa vyache vyosi.

Masalimo 4:1

Wee Chala wane umugholosu unyamule bo nkukwitizya. Unyavwe nanti nkukomana na mayimba, sona umpelelaye ichisa nukulwivwa ulwiputo lwane.

Masalimo 40:11

Wee Mwene utakanyimaye ichisa chako, sona ulughano nu busubiliwa bwako vinvighililaye akabalilo kosi.

Masalimo 5:7

Loli pachifukwa icha chisa chako ichikulu nkani, ane nkwiza pakwinjila munyumba yako. Nkwiza pakufughama nukukuchindika munyumba yako izelu.

Masalimo 51:9

Chifise icheni chako ukuti utakazyennyanje imbibi zyane, sona ubuzimyanje ububibi bwane.

Masalimo 69:13

Wee Mwene, loli nkwiputa kukwako, ukuti umpelele ichisa, unyamule pakumpoka pakuti ulughano lwako lukulu.

Masalimo 69:16

Wee Mwene unyamule, pakuti we mwiza, sona we walughano. Unyavwe pakuti ichisa chako chikulu nkani.

Masalimo 77:9

Fwandi u Chala aleka pakuba ni chisa? Nkimba aleka pakuba ni chililizi pachifukwa icha bukali?”

Yesaya 43:25

“Ane nene nkuhobokela imbibi zyinyu, sona pachifukwa icha nene, ntakwiza pakuzikumbuka sona imbibi zyinyu.

Yesaya 44:22

Nabwefya ububibi bwako ngati libingu, imbibi zyako nazyefya ngati we kabefu, nyokela kukwane, pakuti nakutabula.”

Yesaya 63:15

Eee Mwene, ennya pasi ukufuma uko kumwanya, po wennye pachitengo icha bumwene ichizelu, sona icha buchindamu. Nkimba ulweke lwako, na maka ghako vili ko kwiyi? Fwandi ichisa ni chililizi chako vili ko kwiyi.

Yesaya 63:7

Nkwiza pakuchinenagha ichisa icha Mwene, nkwiza pakumupala pambombo zizyo abomba, ukuyana nazizyo atubombela, ivintu ivyinji ivyiza, ababombela aba Izilayeli, ukuyana ni chililizi chache, sona ni chisa chache ichikulu.

Yelemiya 18:23

Loli awe we Mwene, uzimenye zyosi zizyo bakubatika ukuti bangoghe. Utakabahobokelaye inongwa zyabo, pamo pakuzimya imbibi zyabo. Ubanangannye pamaso ghako, sona mubukalale bwako ubafunde.”

Nkuto 3:32

Napapo angabisizya abantu intamyo, loli akubanga ni chililizi, pakuti ulughano lwache lulo lutakupotwangapo nalumolumo lukulu nkani.

Daniyeli 9:18

Wee Chala, tegha ikutu lyako nukwivwa. Ighula amaso ghako nukwennya ukunanganika ukwa kaya kako kumanyikwe ni Tabwa lyako. Tutakukulambilizya pachifukwa ichakuti twebagholosu awe, loli pachifukwa icha chisa chako ichikulu nkani.

Daniyeli 9:9

U Mwene u Chala witu wachisa nkani sona waluhobokelo nkani, napapo twamusambukila.

Imbombo 3:19

Muzileke imbibi zyinyu nukupindukila kwa Chala, ukuti azimye imbibi zyinyu. Nanti mukubomba bunubu u Mwene akwiza pakubapa akabalilo akakutuzikizya,

Aba Kolosi 2:14

Akazimya ukalata uwa nkongole iya nongwa zyitu, poka ni ndaghilo zyache. Akazimya zyosi pakuzikomela pachipinjika.