Masalimo 50:7 - IBAYIBOLO 2024

⁷ “Ivwa kuno, mwee bantu bane bo nkunena, nkwiza pakubikila ubwakaboni, pakukususya awe Izilayeli. Ane ne Chala, u Chala winyu.

Masalimo 50:7 Iomraidhean Croise

1 Abamwene 18:39

Bo abantu bosi bennya zinizi bakafughama, bo ivyeni vyabo vikotamiye pasi nukulila ukuti, “U Mwene we Chala! U Mwene we Chala!”

2 Abamwene 17:13

U Mwene akabasoka aba Izilayeli, naba Yuda ukwendela mu balaghuzi, sona na benelezyi bache bosi ukuti, “Muzileke imbombo zyinyu imbibi. Muzikonkaye indaghilo zyane na malamulo ghane, ghagho nkabalamula abanyenya binyu, sona ghagho nkabapa ukwendela mubabombi bane abalaghuzi.”

2 Imbili 28:5

Polelo u Mwene u Chala wache akamubika munyobe izya mwene uwamu Siliya. Aba Siliya bakamupota nukubalema abantu bache abinji pakuba bakayidi nukwiza nabo ku Damasika. Po bakabakiwa sona munyobe izya mwene uwa ba Izilayeli, yuyo akamupota pakumughogha.

Masalimo 49:1

Ivwa kuno, mwe bantu aba inko zyosi, teghelezya mwebosi mwe mukwikala muchisu ichapasi.

Masalimo 81:8

“Mwee bantu bane, ivwa kuno, imbasoke, mwee ba Izilayeli, ngali mukanyivwilagha!

Masalimo 81:9

Patakabanje abachala abayeni pakasi papinyu, sona mutakabiputaye abachala abanji.

Ukufuma 20:2

“Ane ne Mwene u Chala winyu, ne nkabefyamo mu Ijiputi, mumo mukaba mwe bazya.

Yesaya 1:18

Po u Mwene akuti, “Zagha tunenezannye. Napapo imbibi zyinyu zingaba chee ngati libanda, zikwiza pakuba swee ngati we kabefu. Napapo zingaba nchesamu loli zikwiza pakuswepa ngati busapa.

Yelemiya 2:9

Polelo u Mwene akuti, “Nkubapa inongwa, nkwiza pakubapa inongwa abanyenya binyu.

Ezekiyeli 20:5

ubabuzye abasongo ukuti, ‘U Mwene Uwamaka Ghosi akuti: Nkamusala u Izilayeli nukumulayizya u Yakobo ilayizyo, nkilanjizya kukwabo muchisu icha Ijiputi nkati, “Ane ne Mwene Uwamaka Ghosi u Chala winyu.”

Ezekiyeli 20:7

Po nkababuzya ukuti, “Umuntu wesi efyemo ivifwani vivyo akuvyiputa, sona mutakinyazyanje ni vifwani ivya muchisu icha Ijiputi. Ane ne Mwene u Chala winyu.”

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Malaki 3:5

U Mwene Uwamaka Ghosi akuti, “Nkwiza pakupalamila kukwinyu umwakuti imbalongaye. Ntakwiza pakuzyelazyela pakuba ne kaboni kubamayele na bamalaya na babo bakulapa ichilapo icha bumyasi na babo bakubazimbula abambombo amalipilo ghabo, na babo bakubayivya abakolo abafwilwe na bana abalanda pamo batakubabombela ubwanaloli abayeni, pakuti abantu banaba batakunchindika.