Masalimo 50:3 - IBAYIBOLO 2024

³ U Chala witu akwiza, sona atakwiza pakuba bulo myee. Pantazi papache pali umoto uwakulungulizya, sona impepo iyamaka yimuzyunguliye.

Masalimo 50:3 Iomraidhean Croise

Masalimo 48:14

Pakuti u Chala yunuyu we Chala witu bwila na bwila, sona akwiza pakutulongozya mupaka tufwe.

Masalimo 50:21

Wabomba ivintu vyosi vinivi, loli nkaba bulo myee, po ukinong'onagha ukuti injanite bulo nawe. Loli nkwiza pakukuchemela nukukususya pazizyo wabomba.

Masalimo 68:20

U Chala witu we Chala yuyo akupoka, sona we Mwene Uwamaka Ghosi yuyo akutupoka kubufwe.

Masalimo 83:1

Wee Chala, utakabanje bulo myee, wee Chala utakapumaye bulo, pamo pakuba ngati po we chimyeka.

Masalimo 96:13

Vikwiza pakwimba pamaso pa Mwene, bo akwiza pakuchilonga ichisu ichapasi. Akwiza pakuchilongela ichisu ichapasi mubugholosu, sona akwiza pakuzilonga inko mubwanaloli.

Ukufuma 19:18

Ighamba lyosi ilya Sinayi likakupikiliwa ni lyosi, pachifukwa ichakuti u Mwene akikila pighamba pala mumoto. Ilyosi likakwelagha kumwanya ngati lya mumuvuno, sona abantu bosi bakatetemagha pachifukwa icha bogha.

Yesaya 35:4

Mubabuzye abantu aba moyo amogha muti, “Mubanje mwe bajivu, mutakanyilaye, u Chala winyu akwiza pakubatanizya, nukubafunda abalwani binyu po akwiza pakubapoka.”

Ezekiyeli 1:4

Nkatalankannya, po nkennya impepo iyamaka yikufuma kumitu sona ni bingu ikulu lilyo likazyunguliliwa nukumesya ukwa tumesya sona kakazyunguliliwa nulukozyo. Pakasi pamoto pakaboneka ngati chela chicho chikusunguluka,

Daniyeli 7:10

Ulusoko ulwa moto lukendagha, ukufuma pamaso papache. Abantu amasabuzani na masabuzani bakamubombelagha, sona abantu abinji nkani bakimilila pamaso papache. Po ubulongi bukanda, ghope amabuku ghakighuliwanga.

Aba Levi 10:2

U Mwene akatuma umoto uwakwaka nukubocha, po bakafwila palapala pamaso pa Mwene.

Habakuku 3:5

Ichiwaya chikalongolela muntazi mumwache, sona ububine ubwakoghofya bukamukonka mwisinda.

Malaki 4:1

U Mwene Uwamaka Ghosi akuti, “Naloli isiku likwiza, po likwiza pakocha ngati muvuno, abantu bosi babo bakwituvya na babomba mbibi bakwiza pakupya ngati lyelelo. Pisiku lilalila umoto ghukwiza pakulyocha,” chitalipo nachimochimo chicho chikwiza pakulekiwapo igululuzi pamo akasamba.

Ukubelengiwa 16:35

Po u Mwene akabawisizya umoto uwakwaka nukubalungulizya abantu 250 bala, babo bakafukizya utwakununkila.

Matayi 3:12

Ali nuluselo munyobe zyache ulwakupetela ingano. Po akwiza pakubika ingano muntamba, loli ilyelelo likwiza pakochiwa numoto, ghugho ghutakuzimapo nalumolumo.”

Ukukumbusya Amalamulo 9:3

Loli ilelo muzimanye ukuti u Mwene u Chala winyu akwiza pakubalongolela ngati gho moto uwakulungulizya. Akwiza pakubapota nukubanangannya, umwakuti amwe mukwiza pakubachimbizya nukubanangannya ukuyana namumo u Mwene akabalayizizya.

Aba Hebeli 12:29

Pakuti u Chala witu moto ghugho ghukulungulizya.

Aba Hebeli 2:3

Nkimba aswe tungapona bulibuli nanti tutakulemezya ubupoki ubukulu nkani bunubu? Akaba we Mwene yuyo akafumusya tasi ubupoki bunubu, bubo bukasimikiziwa kukwitu na bantu babo bakamwivwa.

Ubuvumbuli 22:20

Yuyo akusimikizya ivintu vyosi vinivi akuti, “Naloli! Nkwiza lunulu.” Ameni! Mwene Yesu, zagha!