Masalimo 50:22 - IBAYIBOLO 2024

²² “Amwe mwe mumuluvyizye u Chala, muzyinong'onaye izi, lumo ningabazepulannya, po atalipo nayumoyumo umuntu uwakubapoka.

Masalimo 50:22 Iomraidhean Croise

2 Samuweli 22:42

Bakalilagha ukuti abavwe, loli patakabapo nayumoyumo umuntu uwakubapoka. Bakalilagha kwa Mwene, loli atakabamula.

Yobu 10:7

Napapo uzimenye ukuti ane inte ninongwa, sona nukuti atalipo nayumoyumo umuntu, yuyo angampoka munyobe zyako.

Yobu 8:13

Ubu bo bumalilo ubwa bosi babo bakumuluvya u Chala, sona ulusubilo ulwa bantu babo batakumunyila u Chala lukwiza pakumala.

Masalimo 10:4

Umuntu uwamituvyo atakumulondelezya u Chala, sona akwinong'ona mumoyo wache ukuti u Chala ataliko.

Masalimo 7:2

Lumo banganzepulannya ngati mumo inkalamu yikuzepulila inyama, nukunyonkolannya ukusita umuntu nayumoyumo uwakumpoka.

Masalimo 9:17

Ababibi bakwiza pakubuka kuchisu icha bafwe, kokuti inko izya bantu bosi babo bamuluvyizye u Chala.

Masalimo 9:18

Loli abapina atakubaluvyanga nalumolumo, sona ulusubilo lwabapina lutakupotwangapo.

Umulumbilili 7:14

Uhobokaye nanti ivintu vikukwendela akiza, loli nanti ivintu vikukwendela akabibi, winong'onayepo zimo. Umanyaye ukuti we Chala akumupa umuntu ulusako ni chighune, po umuntu atangazyaghannya izya muntazi yache.

Yesaya 51:13

Loli wamuluvya u Mwene umupeli wako, yuyo akachikuzula ichisu icha kumwanya, nukwala ulwalo ulwa pachisu ichapasi, ukwendelela pakunyila akabalilo kosi pachifukwa icha bukali ubwa bayinvyi. Nkimba wewenu yuyo akulonda pakunangannya? Nkimba kuli kwiyi ukukalala ukwa muyinvyi?

Yelemiya 2:32

Nkimba u mulindu angaluvya ivyakwibonesekezya akiza, pamo u mulindu yuyo akusendwa nkimba angaluvya ivyakuvwala vyache ivya pasendwa? Loli pope bulo abantu bane banduvizye, amasiku ghagho ghatangabelengiwa.

Ezekiyeli 18:28

Pachifukwa ichakuti akwinong'onela ukunanga kosi kuko abomba nukukuleka, naloli akwiza pakuba mumi, atakwiza pakufwa.

Hoseya 13:8

Nkwiza pakubanga ngati we labwe, yuyo bamufyula utwana twache, nkwiza pakabazepulannya. Sona nkwiza pakubamila bulo ngati nkalamu, nukubazepulannya ngati chinyamana icha munkolongo.

Hoseya 4:6

Abantu bane bakunanganika pachifukwa ichakuti bate na mahala. “Pachifukwa ichakuti mwabusulannya ubumanyi, nane bulo nkubakana pakuba mwe baputi bane. “Pachifukwa ichakuti mwazikana indaghilo izya Chala winyu, nane bulo nkwiza pakubakana abana binyu.

Hoseya 5:14

Pakuti nkwiza pakuba ngati ne nkalamu kuba Efulayimu, sona ngati nkalamu iya maka kwa Yuda. Nkwiza pakubazepulannya mutuvigaba nukubazompola. Po atalipo nayumo uwakubapoka.

Amosi 2:14

Abantu abalubilo nkani batakwiza pakupona, abantu abamaka bakwiza pakuba badedebazu, sona abasilikali batakwiza pakubupoka ubumi bwabo.

Mika 5:8

Abakusyalako aba Yakobo bakwiza pakwikala pakasi pa inko, pakasi pabantu abinji nkani, ngati nkalamu yiyo yili pakasi pa vinyanama ivya mumusitu, ngati mwana uwa nkalamu yuyo ali pakasi pa mudimo uwa ng'ozi, yuyo akuzikanyankila nukuzizepulannya mutuvigaba, sona atalipo nayumoyumo uwakuzipoka.

Hagayi 1:5

Ilelo u Mwene Uwamaka Ghosi akuti, “Muchebaye nkani ni zila zyinyu.

Luka 15:17

Bo azyaghannya akati, ‘Abambombo aba tata bosi bakulya nukwikuta, loli ane kuno nkufwa nizala.

Ukukumbusya Amalamulo 32:18

Bakalitoloka Ilyalabwe, yuyo akaba we wise wabo, Bakamuluvya u Chala, yuyo akabapela.

Ukukumbusya Amalamulo 32:39

Ilelo ennya, ane nemwene ne Chala, sona atalipo u chala uyunji. Nkumughogha umuntu nukumupa ubumi, Nkumuvulazya sona nkumupozya. Atalipo nayumoyumo umuntu uwakumupoka munyobe zyane.