Masalimo 50:21 - IBAYIBOLO 2024

²¹ Wabomba ivintu vyosi vinivi, loli nkaba bulo myee, po ukinong'onagha ukuti injanite bulo nawe. Loli nkwiza pakukuchemela nukukususya pazizyo wabomba.

Masalimo 50:21 Iomraidhean Croise

Yobu 34:33

Nkimba u Chala abalongaye ukuyana na kinong'onele kinyu, bo mukukana pakuzileka imbibi zyinyu? Mwisalile mwebene, te nene awe; po umbuzye zizyo uzimenye.

Masalimo 50:3

U Chala witu akwiza, sona atakwiza pakuba bulo myee. Pantazi papache pali umoto uwakulungulizya, sona impepo iyamaka yimuzyunguliye.

Masalimo 50:8

Ntakubachemela pachifukwa icha vyakwiyipa vyinyu, pamo pachifukwa icha vyakwiyipa ivyakocha, vivyo mukubika pamaso papane.

Masalimo 73:11

Bakuti, “Nkimba u Chala angazimanya bulibuli? Nkimba Uwakumwanya Nkani ali na mahala?”

Masalimo 90:8

Wazivumbula imbibi zyitu pamaso papako, zyope imbibi izya kubusyefu wazivumbula pabuzelu

Ukufuma 3:14

U Chala akamubuzya u Mozesi akati, “Itabwa lyane ne ANE NENE. Izi zyo zizyo ubabuzye aba Izilayeli: ‘ANE NENE antuma kukwinyu.’ ”

Ivyili 29:1

Umuntu yuyo akuba nu moyo umukafu bo achemeliwa akinji bulo, naloli lubilolubilo akunanganika umwakusita kupola.

Umulumbilili 12:14

Pakuti u Chala akwiza pakutulonga pambombo zyosi zizyo tukubomba sona ni zyakubusyefu bulo, manyi nyiza, manyi mbibi.

Yesaya 26:10

Napapo ichisa chalanjiziwa kubabibi, pope batakumanyila ubugholosu, muchisu icha bagholosu abene bakubomba imbibi, batakubwinong'onelako nu buchindamu ubwa Mwene.

Yesaya 42:14

Ukwakabalilo akatali nkaba bulo myee, nkapuma bulo nukwikanizya nemwene. Loli ilelo, nkwiza pakukolomoka ngati mukolo yuyo ali pakusayiwa, nkulakilwa nukufuta umwakuyimba.

Yesaya 57:11

U Mwene akuti, “Nkimba wewenu yuyo mukamunyilagha, nukumutetema ukuti muzimbulaye, mutakunkumbuka pamo ukumbikilako umoyo? Nkimba te chifukwa ichakuti nkaba myee akabalilo akatali, ukuti mutakanyilaye?

Yelemiya 2:23

“Nkimba unganena bulibuli ukuti, ‘Ntinyazizyepo, sona ntabiputitepo lumo aba Baala’? Ennya mumo ukabombela mwikombe, sona wennye nazizyo ukabomba. Wayana bulo ni ngamila inkolo yiyo yikuchimbilila uku na kula,

Amosi 8:7

Pachifukwa icha kwituvya ukwa bamunyumba iya Izilayeli, u Mwene alapa ukuti, “Ntakwiza pakuluvyapo nalumo ichintu chosi chicho babomba.

Ukubelengiwa 23:19

U Chala te muntu uwakuti angatamanta, pamo te mwana uwa muntu uwakuti angandula inyinong'ono zyache. Nkimba anenitepo chimo ukusita pakuchibomba? Nkimba alayizizyepo chimo ukusita pakuchikwanilisya?

1 Aba Kolinti 4:5

Polelo mutakamulongaye nayumo umuntu, bo na kabalilo akiza katafikite. Mulindililaye mupaka u Mwene ize. Umwene akwiza pakuvumbula pabuzelu ivintu vivyo vifisiwe muchisi. Akwiza pakuvumbula sona inyinong'ono izya bantu. Pakabalilo kalakala umuntu wesi akwiza pakupokela amapalo agha Chala.

2 Pitala 3:9

U Mwene atakuzyelazyela pakukwanilisya zizyo akalayizya, ukuyana namumo abantu bamo bakwinong'onela. Mubuzilo bwache, we mufisalyoyo namwe pakuti atakulonda ukuti nayumo umuntu azimile, loli ukuti umuntu wesi apinduke nukuzileka imbibi zyache.

Ubuvumbuli 3:19

Nkumuchemela nukumufunda umuntu wesi yuyo imughanite. Polelo lamusya, upinduke nukuzileka imbibi zyako.