Masalimo 50:19 - IBAYIBOLO 2024

¹⁹ Ukughubombezya umulomo wako pakunena ivibibi, sona ululimi lwako lukwata ivyabumyasi.

Masalimo 50:19 Iomraidhean Croise

Masalimo 10:7

Mumulomo wache mwizuye vyo vighune, nu bumyasi, na mazyu amababe. Ululimi lwache lope lukwiza pakubapelela bulo abanji intamyo, sona ni mbibi.

Masalimo 5:9

Pakuti amazyu ghabo ghate masubiliwa napo panandi, sona amoyo ghabo ghizuye ni vintu ivyakunangannya bulo. Amamilo ghabo mighuke ngati gho mapumpa, sona indimi zyabo zikunena bo bumyasi bwene.

Masalimo 55:12

Nanti umulwani yumo akansamulagha, ngali najimbite. Nanti yuyo akituvikizya papane akaba mulwani wane, ngali navwamite.

Masalimo 55:21

Amazyu ghache matonte nkani ngati mafuta agha lukama, loli mumoyo wache muli ubwite. Amazyu ghache matonte nkani ukuchila amafuta loli ghayanite bulo na bapanga.

Yelemiya 9:5

Umumanyani akumuzimbula umumanyani, sona atalipo nayumoyumo yuyo akunena ubwanaloli. Bazimanyizizye indimi zyabo pakunena bo bumyasi, umwakuti nako kupinduka batangapinduka.

Hoseya 4:2

Muli bulo inguno nu bumyasi nukughoghana, nu bwiba, sona nu bwamalaya. Ukubomba imbibi kwafika pabwenecho, sona abantu bakughoghana kabilikabili.

Ubuvumbuli 21:8

Loli abantu abogha na bantu abasita ukusubiliwa na babo bakubomba ivintu ivinyazu na baghoghi na bamalaya na bamayele na bakwiputa ivifwani sona na bantu bosi abamyasi, ubuzilo bwabo yo nyanja iya moto uwa sulufule. Ubu bo bufwe bwabo ubwabubili.”