Masalimo 50:15 - IBAYIBOLO 2024

¹⁵ Munyitizyanje pakabalilo akantamyo, nkwiza pakubapoka po mukwiza pakunchindika.”

Masalimo 50:15 Iomraidhean Croise

2 Abamwene 20:2

U Hezekiya akaghalabukila kulubumba nukwanda pakwiputa kwa Mwene ukuti,

2 Imbili 20:9

‘Nanti intamyo zyatuwila pamo ubwite pamo ichiwaya pamo izala inkulu, tukwiza pakwima pamaso papako pantazi pa Nyumba yiyo yikwitiziwa ni tabwa lyako sona tukwiza pakukulilila bo tuli muntamyo zitu zyosi, po awe ukwiza pakutwivwa nukutupoka.’

Yobu 22:27

Bo ukwiputa, akwiza pakukwamula, po ukwiza pakukwanilisya ichilapo chako.

Masalimo 107:19

Muntamyo zyabo, bakamulilila u Mwene, akabapoka mumayimba ghabo.

Masalimo 107:28

Muntamyo zyabo, bakamulilila u Mwene, akabapoka mumayimba ghabo.

Masalimo 120:1

Muntamyo zyane nkumwitizya u Mwene, po akunyamula.

Masalimo 22:23

Amwe mwe mukumuchindika u Mwene, mupalaye, sona mwebosi mwe baluko ulwa Yakobo, mumuchindikaye! Mumuchindikaye amwe mwebosi mwe baluko ulwa Izilayeli.

Masalimo 34:5

Babo bakwennya kukwache, bakwiza pakulama, sona batakukoziwanga isoni nalumolumo.

Masalimo 34:7

Uwantumi uwa Mwene akubavighililagha babo bakumuchindika, sona akubapoka bosi.

Masalimo 4:2

Mwee bantu, nkimba mukwiza pakunkozya isoni mupaka liyi? Nkimba choni chicho muvighanite vivyo vite ni mbombo, nukubabombela abachala abamyasi?

Masalimo 50:23

Umuntu yuyo akubika ivyakwiyipa ivyakupalizikizya akunchindika, sona yuyo akwenda izila ingolosu nkwiza pakumulanjizya ubupoki bwane.”

Masalimo 77:2

Bo indi muntamyo nkamulondelezya u Mwene, pabusiku intakalita pakukwezya inyobe zyane ghope umoyo wane ghutakalonda pakusangalusiwa.

Masalimo 77:3

Wee Chala, nkakukumbuka, sona nkakolomoka, nanti nkwinong'ona nizya yuyo, nkuwa amaka.

Masalimo 81:7

Bo muli muntamyo mukanyitizya, po nkabapoka, nkabamula bo indi mwibingu, po nkabayela pambwibwi iya mizi pa Meliba.

Masalimo 86:5

Wee Mwene we mwiza sona we wakuhobokela, we musubiliwa nkani ku bantu bosi babo bakukwiputa.

Masalimo 86:7

Pisiku ilya ntamyo zyane, nkukwitizya, po ukwiza pakunyamula.

Masalimo 91:15

Bo akunyitizya, ane nkwiza pakumwamula. Nkwiza pakuba nawe muntamyo zyache zyosi, nkwiza pakumupoka nukumuchindika.

Yelemiya 39:17

Loli nkwiza pakukupoka pisiku lilalila, utakwiza pakubikiwa ku babo ukabanyila.

Zekaliya 13:9

Ichigaba ichabutatu nkwiza pakuchisumbila mumoto. Nkwiza pakubaswefya ngati we siliva, sona nukubayela ngati we golide. Bakwiza pakulyiputa itabwa lyane, nkwiza pakubamula po nkwiza pakunena ukuti, ‘Bantu bane.’ Abene bakwiza pakwamula ukuti, ‘U Mwene we Chala witu.’ ”

Matayi 5:16

Momumo namwe ulukozyo lwinyu lulamaye pabantu, ukuti bennyanje imbombo zyinyu inyiza nukumupala Utata winyu uwakumwanya.

Luka 22:44

U Yesu akayimba nkani mumoyo wache nukwiputa umwakufikapo. Amafuku ghache ghakatonyela pasi ngati lyo libanda.

Yohani 15:8

Ubuchindamu ubwa Tata wane bukulanjiziwa bo mukupa ivikomwa ivyinji. Po bunubu amwe mukulanjizya ukuti mwe bamanyili bane abanaloli.

Imbombo 16:25

Pakasi pabusiku u Pabuli nu Sila bakiputagha nukwimba inyimbo izya Chala, po abakayidi abamwabo bakabateghelezyanga.

Yakobo 5:13

Nkimba alipo umuntu yumo mumwinyu yuyo ali mumayimba? Iputaye. Fwandi, alipo yumo yuyo ahobokite? Imbaye inyimbo izyakumupala u Chala.

1 Pitala 4:11

Umuntu wesi yuyo akulumbilila, alumbililaye amazyu agha Chala. Umuntu wesi yuyo akubabombela abanji, abombaye na maka ghagho u Chala akamupa, umwakuti u Chala apaliwanje muvintu vyosi, ukwendela mwa Yesu Kilisitu. Ubuchindamu na maka vibanje kwa Chala bwila na bwila. Ameni.

1 Pitala 4:14

Mwe basayiwa nanti abantu bakubasamula pachifukwa ichakuti mwe bakonki aba Kilisitu. Ichi chikung'anamula ukuti u Muzimu uwa buchindamu, yuyo we Muzimu uwa Chala ali papinyu.

Abalongi 15:19

Po u Chala akighula ichiliba mu Lehi, amizi ghakafuma pachiliba chila. Bo u Samusoni ang'wela amizi ghala, akaba sona na maka. Po ubuzilo bula bakabwita ukuti Eni Hakole, sona buliko mu Lehi mupaka nilelo bulo.