Masalimo 50:14 - IBAYIBOLO 2024

¹⁴ Bikagha ivyakwiyipa ivyakupalizikizya kwa Chala, sona kwanilisya ichilapo chinyu ku Wakumwanya Nkani.

Masalimo 50:14 Iomraidhean Croise

Yobu 22:27

Bo ukwiputa, akwiza pakukwamula, po ukwiza pakukwanilisya ichilapo chako.

Masalimo 147:1

U Mwene apaliwanje. Mwee, cho chintu ichiza nkani pakumwimbila amapalo u Chala witu. Cho chintu ichakuhobosya nkani sona ni chakubaghila pakumupala.

Masalimo 22:25

Nkwiza pakukupalagha palukomano ulukulu nkani, sona nkwiza pakukwanilisya ichilapo chane pamaso pabantu babo bakukuchindika.

Masalimo 22:26

Abapina bakwiza pakulyanga nukwikuta, sona babo bakumulondelezya u Mwene bakwiza pakumupala ukuti, “Amoyo ghinyu ghabanjeko bwila na bwila.”

Masalimo 27:6

Po nkwiza pakubapota abalwani bane babo banzyunguliye, sona nkwiza pakubika ichakwiyipa muchisakasa chache nukukolomoka. Nkwiza pakwimba inyimbo izyakumupalizikizya u Mwene.

Masalimo 50:23

Umuntu yuyo akubika ivyakwiyipa ivyakupalizikizya akunchindika, sona yuyo akwenda izila ingolosu nkwiza pakumulanjizya ubupoki bwane.”

Masalimo 56:12

Wee Chala wane nkalapa kukwko, sona nkwiza pakubika ivyakwiyipa ivyakupalizikizya.

Masalimo 61:8

Po akabalilo kosi nkwiza pakwimba inyimbo izyakulipala itabwa lyako, nukukwanilisya ivilapo vyane isiku ni siku.

Masalimo 65:1

Wee Chala, abantu bakupalaye mu Ziyoni, sona bakwanilisyanje ichilapo chabo kukwako.

Masalimo 69:32

Abapina bazyennyanje zinizi nukuhoboka, sona mwebosi mwe mukumulondelezya u Chala, mujimbaye amoyo.

Masalimo 76:11

Mulapaye kwa Mwene u Chala witu, sona muvikwanilisyanje ivilapo vyinyu. Ivyisu vyosi ivipalamani vyizaghe ni vyabupi ku yuyo mubaghiye pakumunyila.

Masalimo 76:12

Weyuyo akughamazya amaka agha balaghili, sona abamwene aba muchisu bakumunyila.

Hoseya 14:2

Ghalemezye amazyu, po munyokele kwa Mwene. Mumubuzye ukuti, “Tuhobokele imbibi zyitu, sona pokela ulwiputo lwitu, po imilomo yitu yikupalaye.

Nahumu 1:15

Ennya, kumaghamba kula, inyayo izya muntu yuyo akwiza na mazyu amiza, yuyo akulumbilila umutende! Mwee bantu aba mu Yuda, banga nu lusekelo lwinyu, nukukwanilisya ivilapo vyinyu. Abantu ababibi batakwiza pakulwa namwe sona ubwite bakwiza pakuzimila zila.

Nahumu 2:1

Mwee bantu aba mukaya aka Ninive, ababwite bakwiza pakulwa namwe. Lindilila amalinga ghinyu, sona mwenelezye umusebo. Muvwale ivilwilo ivya bwite, sona pinya abalamba binyu!

Aba Loma 12:1

Polelo bakamu bane, pachifukwa icha chisa icha Chala ichikulu nkani kukwitu, nkubalaba ukuti mwiyipe mwebene ukuti chibanje chakwiyipa icha bumi kwa Chala, ichakupaghuliliwa pambombo yache, sona ni chakumuhobosya nkani. Kuko ko kwiputa kwinyu ukwa buzimu.

Ukukumbusya Amalamulo 23:21

Nanti walapa ichintu chimo kwa Mwene, u Chala wako, utakazyelaye, pakuti u Mwene u Chala wako akwiza pakuchilonda ichintu chilachila, po ukwiza pakuba ninongwa nanti utakuchikwanilisya.

Ukukumbusya Amalamulo 23:22

Loli nanti utakulapa, kokuti ute ninongwa.

Ukukumbusya Amalamulo 23:23

Po wenelezye ukuti wakwanilisya ichintu chosi chicho wanena, pakuti chicho ukulapa kwa Mwene, u Chala wako, ukuchilapila mubwighane bwako.

Ukukumbusya Amalamulo 23:24

Nanti ukudumusannya mumughunda uwa mampesya uwa mupalamani wako, ungalyako amampesya ukuyana namumo wighaniye, loli utakabikaye ghamo muchidudunga.

1 Aba Tesalonika 5:18

Mubanje bantu bakupalizya muvintu vyosi. Ichi cho chicho u Chala akuchilonda ukuti mubombaye mubumi bwinyu ubwakumamatilana poka nu Kilisitu Yesu.

Aba Hebeli 13:15

Polelo zagha tubikaye amapalo kwa Chala akabalilo kosi ukwendela mwa Yesu. Ichi cho chakwiyipa chitu, chicho uluseke ulwa milomo yiyo yikwitika ukuti we Mwene.

1 Pitala 2:5

Namwe bulo mubanje ngati gho mabwe amumi, aghakuti u Chala azengele inyumba iya buzimu, umwakuti mubanje mwe baputi abapaghuliwa, pakubika ivyakwiyipa ivyabuzimu vivyo vikumuhobosya u Chala ukwendela mwa Yesu Kilisitu.

1 Pitala 2:9

Loli amwe mwe luko ulupaghuliwa, abaputi aba bumwene, abantu abache na bache aba Chala. Akabasala ukuti mulumbilile imbombo izyakuswighisya izya Chala, yuyo akabefyamo muchisi nukubinjizya mu lukozyo lwache ulwakuswighisya nkani.